चुनावको मिति घोषणा भएपछि सत्ता गठबन्धनको बैठक, सिट बाँडफाँड गर्न कार्यदल

आम निर्वाचन-२०७९

गृहपृष्ठ
आम निर्वाचन-२०७९
चुनावको मिति घोषणा भएपछि सत्ता गठबन्धनको बैठक, सिट बाँडफाँड गर्न कार्यदल

चुनावको मिति घोषणा भएपछि सत्ता गठबन्धनको बैठक, सिट बाँडफाँड गर्न कार्यदल

शुक्रबार, साउन २०, २०७९ बागेश्वरी पोस्ट

नेपालगन्ज । यही आउँदो मंसिर ४ गतेका लागि देशभर एकै चरणमा प्रतिनिधि सभा र प्रदेश सभाको निर्वाचन घोषणा भएसँगै दलहरु निर्वाचनका लागि तात्न थालेका छन् ।

हिजो मात्रै सरकारले निर्वाचनको मिति घोषणा गरेपछि सत्ताधारी गठबन्धन सिट बाँडफाँडका लागि छलफलमा बस्दैछन् । प्रधानमन्त्रीको सरकारी निवास बालुवाटारको बैठकले आगामी प्रतिनिधिसभा र प्रदेशसभा निर्वाचनको सिट बाँडफाँडबारे एउटभा निचोड निकाल्नेछ । चुनावी तालमेल र सिट बाँडफाँड गर्न एउटा विशेष कार्यदल गठन गर्ने तयारी भएको बुझिएको छ ।

यही कार्यदलले नै सत्ताधारी गठबन्धनमा कसलाई कति सिट दिने भन्ने बारेमा निचोड निकाल्नेछ । गत स्थानीय तहमा पनि सत्ता गठबन्धनका दलहरुले तालमेल गरेका थिए । आगामी निर्वाचनमा समेत तालमेल गरी जानका लागि पारदर्शी ढंगले पार्टीको हैसियत अनुसार सिट बाँडफाँड गरेर जानका लागि कार्यदल बन्ने बुझिएको हो ।

यद्यपि वाम गठबन्धनको चर्चा पनि चलेको छ । यो सम्भव नभए सत्ताधारी दलहरुबीचकै वाम एकता गर्नेबारे पनि दोस्रो तहका नेताहरुले अभ्यास थालेका छन् । आफूहरु बीचको कुनै गठबन्धनले काम नगरेमा अहिलेकै सत्ताधारी गठबन्धन कायम रहेको भन्दै नेकपा माओवादी केन्द्र र नेकपा एकीकृत समाजवादीका नेताहरु लागिपरेका छन् ।

जनता समाजवादी पार्टी (जसपा) बाट अलग भएर डा. बाबुराम भट्टराईले नयाँ पार्टी खोलेपछि गठबन्धनमा उनको भूमिका र उनको हैसियतबारे पनि विचार विमर्श गर्नैपर्नेछ ।

यसअघि २०७४ सालको निर्वाचनमा भट्टराईले माओवादी केन्द्रका नेता नारायणकाजी श्रेष्ठलाई हराएका थिए । भट्टराईलाई नेपाली कांग्रेसको समर्थन रहेको थियो । अबको स्टाटस पनि स्पष्ट हुँदै जाने बुझिएको छ ।

त्यसैगरी प्रमुख प्रतिपक्ष दल नेकपा एमाले भने साना वाम पार्टीहरुसँग चुनावी तालमेल गरेर जाने योजनामा छ । हाम्राकुराबाट

प्रकाशित मिति: शुक्रबार, साउन २०, २०७९ १०:२७