आईजीपी खनालको आदेशपछि मिटरब्याजी राजपा केन्द्रिय सदस्य यादव पक्राउ

अर्थ

गृहपृष्ठ
अर्थ
आईजीपी खनालको आदेशपछि मिटरब्याजी राजपा केन्द्रिय सदस्य यादव पक्राउ

आईजीपी खनालको आदेशपछि मिटरब्याजी राजपा केन्द्रिय सदस्य यादव पक्राउ

बुधबार, पुस २३, २०७६ बागेश्वरी पोस्ट

सर्लाही । राजपाका केन्द्रीय सदस्य रामबाबु राय यादवलाई प्रहरीले पक्राउ गरेका छ। यादवलाई मिटरब्याजमा ऋण दिई ठगी गरेको आरोपमा जिल्ला प्रहरी कार्यालय सर्लाहीले हरिपुर नगरपालिकाबाट पक्राउ गरेको हो।

यादवलाई नागरिकको घरजग्गा आफ्नो नाममा लिने गरेको आरोप लागेको छ । यादवबाट १५ सय जना पीडित रहेको स्थानीयले बताएका छन् । यादवसँगै तत्कालीन नयाँ शक्ति पार्टीका प्रदेशसभा उम्मेद्वार सञ्जय रौनियारले समेत ऋण दिँदा रजिस्ट्रेसन नै पास गरेर घरजग्गा नै कब्जामा लिने गरेको भन्ने उजुरी परेको थियो ।

पिडितको गुनासो पछि प्रहरी प्रमुख सर्वेन्द्र खनालले जिल्ला प्रहरी कार्यालय सर्लाहीलाई दुवैजनालाई पक्रेर कानुनी प्रक्रिया अगाडि बढाउन निर्देशन दिएका थिए ।

करिब १०० जना पिडितहरुले मंगलबार नेकपाका शीर्ष नेता, गृहसचिव प्रेमकुमार राई र प्रहरी महानिरीक्षक सर्वेन्द्र खनाललाई भेटेर गुनासो गरेका थिए। यसअघि सर्लाहीकै श्याम परदेशीले करिब ५ सय जनालाई मिटर ब्याजमा ऋण दिएर करोडौं रकम ठगी गरेको घटना सार्वजनिक भएको थियो।

यादवलाई सार्वजनिक शान्तिविरूद्ध अपराध गरेको कसुरमा पक्राउ गरिएको सर्लाहीका डिएसपी प्रजितसिंह राठौरले जानकारी दिएका छन् ।

प्रकाशित मिति: बुधबार, पुस २३, २०७६ १५:५६