सत्ता गठबन्धन दलको सिट बाँडफाँड कार्यदलको संयोजकमा कृष्ण सिटौला

आम निर्वाचन-२०७९

गृहपृष्ठ
आम निर्वाचन-२०७९
सत्ता गठबन्धन दलको सिट बाँडफाँड कार्यदलको संयोजकमा कृष्ण सिटौला

सत्ता गठबन्धन दलको सिट बाँडफाँड कार्यदलको संयोजकमा कृष्ण सिटौला

सोमबार, साउन २३, २०७९ बागेश्वरी पोस्ट

नेपालगन्ज । आगामी मंसिरमा हुने प्रतिनिधिसभा र प्रदेशसभा सदस्य निर्वाचनका लागि सिट बाँडफाँडको खाका तयार पार्न गठित कार्यदलको पहिलो बैठक सकिएको छ ।

बैठकले कार्यदलको संयोजकमा कांग्रेस नेता कृष्णप्रसाद सिटौलालाई तोकेको छ । बैठकमा सिट बाँडफाँडबारे सामान्य छलफल भएको छ । स्थानीय तहमा जस्तै पहिले जितेका क्षेत्रमा सोही पार्टीले लिने निर्णय गरिएको एक नेताले बताए । ‘कांग्रेसले जितेको क्षेत्र कांग्रेसले नै लिने, माओवादीले पहिला जितेको माओवादीले नै लिने, नेकपा एस र जसपाको हकमा पनि यही नियम लागू हुनेछ । एमालेले जितेको क्षेत्र भने बाँड्ने सहमति भएको छ’, स्रोतले भन्यो ।

एमालेले जितेको बाँडफाँड गर्दा सबैभन्दा धेरै कांग्रेसले लिने, यसो हुँदा कांग्रेस जम्माजम्मी ७० देखि ८० भित्र सीमित रहनुपर्ने निर्णय गरिएको छ । तर, कांग्रेस भने आफू ८० देखि ९० सिट पाउनुपर्नेमा अडिग रहेको छ । आगामी निर्वाचन मंसिर ४ हुँदैछ ।

प्रकाशित मिति: सोमबार, साउन २३, २०७९ १९:२९