सत्ता गठवन्धनको सिट बाँडफाँडका लागि कार्यदलको दोस्रो बैठक आज बस्दै

आम निर्वाचन-२०७९

गृहपृष्ठ
आम निर्वाचन-२०७९
सत्ता गठवन्धनको सिट बाँडफाँडका लागि कार्यदलको दोस्रो बैठक आज बस्दै

सत्ता गठवन्धनको सिट बाँडफाँडका लागि कार्यदलको दोस्रो बैठक आज बस्दै

बिहीबार, साउन २६, २०७९ बागेश्वरी पोस्ट

नेपालगन्ज । सत्ता गठवन्धनका ५ दलको सिट बाँडफाँड सम्बन्धि गठित कार्यदलको दोस्रो बैठक आज बस्ने भएको छ । आगामी प्रतिनिधिसभा र प्रदेशसभा सदस्य निर्वाचनका लागि सिट बाँडफाँडको खाका तयार पार्न गठित कार्यदलको दोस्रो बैठक दिउँसो २ बजे बैठक बस्न भएको हो । बैठक प्रधानमन्त्री निवास बालुवाटारमा बस्दैछ ।

कार्यदलले आज सिट बाँडफाँडको आधार र मापदण्ड तय गर्नेछ । यसअघिको पहिलो बैठकले कार्यदलको संयोजकमा कांग्रेस नेता कृष्णप्रसाद सिटौलालाई तोकेको थियो । सत्तारुढ दलको सिट बाँडफाँड कार्यदलमा कांग्रेसबाट महामन्त्री गगन थापा, कृष्ण सिटौला र ज्ञानेन्द्रबहादुर कार्की रहेका छन् ।

साथै माओवादी केन्द्रबाट वर्षमान पुन र देवप्रसाद गुरुङ, एकीकृत समाजवादीबाट महासचिव बेदुराम भुसाल र प्रमेश हमाल रहेका छन् ।

यस्तै जनता समाजवादी पार्टी जसपाबाट रामसहायप्रसाद यादव र रकम चेम्जोङ तथा राष्ट्रिय जनमोर्चाबाट हिमलाल पुरी र आनन्द शर्मा कार्यदल सदस्यमा रहेका छन् ।

प्रकाशित मिति: बिहीबार, साउन २६, २०७९ ०९:२८