फिफा विश्वकपको उद्घाटन एक दिन अगाडी सर्यो,नोभेम्बर २० मा कतार र इक्वेडरबीच भिडन्त

खेलकुद

गृहपृष्ठ
खेलकुद
फिफा विश्वकपको उद्घाटन एक दिन अगाडी सर्यो,नोभेम्बर २० मा कतार र इक्वेडरबीच भिडन्त

फिफा विश्वकपको उद्घाटन एक दिन अगाडी सर्यो,नोभेम्बर २० मा कतार र इक्वेडरबीच भिडन्त

शुक्रबार, साउन २७, २०७९ बागेश्वरी पोस्ट

नेपालगन्ज । कतारमा हुने फिफा विश्वकप फुटबलको उद्घाटन खेल एक दिन अगाडी सारिएको छ ।यसअघि नोभेम्बर २१ देखि विश्वकप सुरू हुने तालिका थियो । उक्त तालिका संशोधन गर्दै फिफाले एक दिन अघि अर्थात नोभेम्बर २० बाटै विश्वकप सुरू हुने तालिका निकालेको हो। नोभेम्बर २० मा कतार र इक्वेडरबीच उद्घाटन खेल हुने छ।

फिफाले विश्कप फुटबल प्रतियोगितको परम्पराअनुसार खेल आयोजक राष्ट्र र डिफेन्डिङ च्याम्पियनबीच पहिलो स्पर्धा गराउने लामो समयदेखिको अभ्यासलाई सुनिश्चित गर्न पहिलो दिनको खेल तालिकामा केही परिवर्तन गरिएको स्पष्ट गरेको छ ।

बाँकी खेलहरू पूर्वनिर्धारित तालिकाअनुसार सञ्चालन हुने पनि फिफाले प्रस्ट पारेको छ । नेपालमा प्रतिनिधि सभा र प्रदेश सभाको निर्वाचन हुने दिन कतारमा फुटबलको उद्घाटन हुने भएको हो ।

मूल खेल तालिकाअनुसार मङ्सिर ५ गतेका लागि निर्धारण गरिएको सेनेगल र नेदरल्याण्डस्बीचको खेल सोही दिन हुनेछ तर उद्घाटन समारोह र हरेक चार वर्षपछि हुने विश्कप प्रतियोगिताको पहिलो खेल भने अब मङ्सिर ४ गते बेलुकी ७ बजे कतार र इक्वेडरबीच हुनेछ । यसअघि मङ्सिर ५ गतेका लागि सेनेगल र नेदरल्याण्डस् तथा कतार र इक्वेडरबीच स्पर्धा हुने कार्यक्रम निर्धारण भएको थियो ।

प्रकाशित मिति: शुक्रबार, साउन २७, २०७९ १८:३३