एक करोड ८२ लाख मतदाता कायम

आम निर्वाचन-२०७९

गृहपृष्ठ
आम निर्वाचन-२०७९
एक करोड ८२ लाख मतदाता कायम

एक करोड ८२ लाख मतदाता कायम

आइतबार, साउन २९, २०७९ बागेश्वरी पोस्ट

नेपालगन्ज । आगामी मंसिर ४ गते हुने प्रतिनिधिसभा र प्रदेशसभा निर्वाचनका लागि १ करोड ८२ लाख मतदाता कायम भएका छन् ।

निर्वाचन आयोगका अनुसार अन्तिम मतदाता नामावली प्रकाशन भने भइनसके पनि आउने निर्वाचनमा करिब १ करोड ३० देखि ३५ लाख सम्म मत खस्ने अनुमान गरिएको छ ।

‘करिब १ करोड ८२ लाख मतदातामध्ये ४० लाख जति विदेशमा रहेको अनुमान छ । यसपटक करीव १ करोड ३० देखि ३५ लाखसम्म मत खस्छ । यसपटक अस्थायी मतदाताको पनि व्यवस्था रहेकाले कर्मचारी, सेना, प्रहरी समेतले कार्यस्थलबाटै मतदान गर्दा मत खस्ने प्रतिशत बढ्छ ।’

आयोगले निर्वाचनमा करिब १० अर्ब रूपैयाँ निर्वाचन आयोगबाट खर्च हुने अनुमान गरेको छ। त्यस्तै १० हजार ८२५ मतदान स्थल रहने र करिब २२ हजार ५०० मतदान केन्द्र रहने निर्वाचन आयोगले जनाएको छ।

प्रमुख आयुक्त दिनेश कुमार थपलियाले पहिलो निर्वाचित हुने प्रत्यक्ष निर्वाचन प्रणालीतर्फ जुन दलको उम्मेदवार हुन्छन् वा स्वतन्त्र उम्मेदवार हुन्छन् उम्मेदवारको मात्र चुनाव चिन्ह राखेर मतपत्र छपाइ हुने बताए । यदि कुनै दलको प्रत्यक्ष उम्मेदवार छैन भने मतपत्रमा सो दलको चुनाव चिन्ह हुने छैन ।

यसपटक निर्वाचनमा खटिने कर्मचारी, सुरक्षाकर्मी, कैदीबन्दी, स्वीकृति लिई सञ्चालनमा रहेका वृद्धाश्रममा रहेका मतदातालाई अस्थायी मतदाता सूचीमा राखिएको छ । उनीहरूले समानुपातिकतर्फ मतदान गर्न पाउने थपलियाले जानकारी दिएका छन् ।

प्रकाशित मिति: आइतबार, साउन २९, २०७९ १५:१४

प्रतिक्रिया दिनुहोस्