आगामी निर्वाचनको प्रचारमा भारतीय गाडी प्रयोग गर्न नपाइने

आम निर्वाचन-२०७९

गृहपृष्ठ
आम निर्वाचन-२०७९
आगामी निर्वाचनको प्रचारमा भारतीय गाडी प्रयोग गर्न नपाइने

आगामी निर्वाचनको प्रचारमा भारतीय गाडी प्रयोग गर्न नपाइने

सोमबार, भदौ ६, २०७९ बागेश्वरी पोस्ट

फाइल फोटो

नेपालगन्ज । आगामी मंसिर ४ गते हुन गइरहेको प्रतिनिधिसभा र प्रदेससभा सदस्‍य निर्वाचनका लागि प्रचारप्रसारमा निर्वाचन आयोगले भारतीय नम्बर प्लेटका सवारीसाधन प्रयोग गर्न नदिने बताएको छ ।

भारतीय नम्बर प्लेटका सवारी साधनलाई आयोगले प्रस्ताव गरेको निर्वाचन आचारसंहितामा चुनाव प्रचारमा अनुमति नदिने उल्लेख गरेको छ ।

बिशेष गरेर भारतीय सीमानासँग जोडिएका प्रदेश १, मधेश, गण्डकी, लुम्बिनी र सुदुरपश्चिम प्रदेशका जिल्लाको चुनावलाई लक्षित गरी भारतीय सवारीसाधन प्रयोग गरिने भएका कारण आयोगले यस्तो प्रस्ताव ल्याएको जनाएको छ ।

यसअघिका निर्वाचनमा पनि सिमावर्ती जिल्लामा भारतबाट सस्तोमा गाडी भाडामा लिएर चुनावमा प्रयोग हुँदै आएको पाइएकोले अब उपरान्त विदेशी सवारीसाधन प्रयोग गर्न नपाइने जनाएको छ ।

साथै उम्मेदवारले अनुमति लिएको नेपाली सवारीसाधन पनि मतदानका दिन मतदाता ओसारपसार गर्न नपाइने प्रस्ताव पनि आचार संहितामा उल्लेख भएको छ।

प्रकाशित मिति: सोमबार, भदौ ६, २०७९ १५:४८

प्रतिक्रिया दिनुहोस्