कञ्चनपुरमा एक्लै चुनाव लड्ने कांग्रेसको निर्णय

राजनीति

गृहपृष्ठ
राजनीति
कञ्चनपुरमा एक्लै चुनाव लड्ने कांग्रेसको निर्णय

कञ्चनपुरमा एक्लै चुनाव लड्ने कांग्रेसको निर्णय

सोमबार, भदौ २०, २०७९ बागेश्वरी पोस्ट

नेपालगन्ज । नेपाली कांग्रेसले कञ्चनपुरमा केही स्थानमा गठबन्धन स्वीकार नगर्ने निर्णय गरेको छ ।

केन्द्रमा सत्तारुढ ५ दलीय गठबन्धन गरी निर्वाचनमा होमिने सहमति गरे पनि कञ्चनपुरको निर्वाचन क्षेत्र नम्बर १ मा भने गठबन्धन स्वीकार नगर्ने निर्णय गरिएको हो ।

सङ्गठनात्मक हिसाबले बलियो रहेको निर्वाचन क्षेत्र १ मा नेपाली कांग्रेस एक्लै निर्वाचन जित्न सक्षम रहेकाले गठबन्धन अस्वीकार गर्ने निर्णय गरिएको नेपाली कांग्रेस कञ्चनपुर १ का क्षेत्रीय सभापति गोपिप्रसाद उपाध्यायले बताए ।

गत वैशाख ३० मा सम्पन्न स्थानीय तहको निर्वाचनमा क्षेत्रका ४ मध्ये २ पालिका नेपाली कांग्रेसले जितेको थियो । कांग्रेसको एक्लै निर्वाचन जित्ने हैसियत रहेकाले गठबन्धन नगर्ने निर्णयमा पुगेको क्षेत्रीय सभापति उपाध्यायले बताए ।

कञ्चनपुर १ मा नेपाली कांग्रेसले गठबन्धन अस्वीकार गरेपछि सत्तारुढ दलहरुबीच गठबन्धन गरेर निर्वाचनमा भाग लिने सहमति तुहिने निश्चित भएको छ ।

यसअघि पनि नेपाली कांग्रेस क्षेत्रीय समितिको दृढ अडानले गठबन्धन भएको थिएन । कांग्रेसले गठबन्धन गर्न हुँदैन भन्ने मतदाताहरूको चाहना रहेको क्षेत्रमा पार्टीले गठबन्धन अस्वीकार गर्ने निष्कर्षमा पुगेको क्षेत्रीय सभापति उपाध्यायले बताए । हाम्राकुरा

प्रकाशित मिति: सोमबार, भदौ २०, २०७९ ०९:०५

प्रतिक्रिया दिनुहोस्