गठबन्धन दलको सिट बाँडफाँटको आज पनि टुंगो लागेन

आम निर्वाचन-२०७९

गृहपृष्ठ
आम निर्वाचन-२०७९
गठबन्धन दलको सिट बाँडफाँटको आज पनि टुंगो लागेन

गठबन्धन दलको सिट बाँडफाँटको आज पनि टुंगो लागेन

आइतबार, भदौ २६, २०७९ बागेश्वरी पोस्ट

नेपालगन्ज । गठबन्धन दलको सिट बाँडफाँट टुंग्याउन आज पनि सहमति जुट्न सकेन । आज बसेको गठबन्धनका शीर्ष नेताहरुको बैठकले पनि आसन्न निर्वाचनका लागि सिट बाँडफाँट टुंग्याउन सकेन ।

आज नटुंगिएपछि भोलि बिहान ८ बजे पुनः बैठक बस्ने कांग्रेसका एक नेताले बताए । आजको बैठकमा कार्यदलले बुझाएको प्रतिवेदनको रिपोर्टिङ मात्र भएको उनले जानकारी दिए ।

बैठकमा तालमेलका विषयमा कुराकानी भएपनि सिट बाँडफाँट भने टुंगो नलागेको जानकारी दिएका ती कांग्रेस नेताले कार्यदलले तयार पारेको प्रतिवेदनका विषयमा भने रिपोर्टिङ भएको बताए ।

सिट बाँडफाँटमा कार्यदलले मिलाउन बाँकी रहेको विषयमा भोलि बस्ने शीर्ष नेताको बैठकमा छलफल हुनेछ ।

तर, लामो समयदेखि यही सिट बाँडफाँटको सूत्रमै शीर्ष दलका नेताहरु अल्झिएका छन् । केही दिनदेखि आजै मिल्छ भनेको विषय अहिलेसम्म नमिलेकाले भोलि पनि मिल्नेमा शंका देखिएको छ ।

प्रकाशित मिति: आइतबार, भदौ २६, २०७९ १५:२४