उम्मेदवारको नामावली आज साँझ प्रकाशन गर्दै आयोग

आम निर्वाचन-२०७९

गृहपृष्ठ
आम निर्वाचन-२०७९
उम्मेदवारको नामावली आज साँझ प्रकाशन गर्दै आयोग

उम्मेदवारको नामावली आज साँझ प्रकाशन गर्दै आयोग

अन्तिम नामावली भोलि

मंगलबार, असोज २५, २०७९ बागेश्वरी पोस्ट

नेपालगन्ज । प्रतिनिधिसभा र प्रदेशसभाका लागि उम्मेदवारविरुद्ध परेको उजुरीबारे जवाफ दिनका लागि आज समयसीमा तोकिएको छ । २३ असोजमा उम्मेदवारी दिएका उम्मेदवारविरुद्ध २४ असोजमा परेको उजुरीको जवाफ दिनका लागि दिउँसो २ बजेसम्मको समयसीमा तोकिएको हो ।

प्रधानमन्त्री शेरबहादुर देउवा, पूर्व उपप्रधानमन्त्री विजयकुमार गच्छेदार सहितका उम्मेदवारविरुद्ध उजुरी परेको छ । देशैभरका उम्मेदवारमाथि परेको उजुरीपछि आयोगले सो उजुरीका बारेमा आजै जवाफ दिन सबन्धित उम्मेदवारलाई सूचना टाँस गरी सबन्धित निर्वाचन कार्यालयले जानकारी गराएको छ । उजुरी पुष्टि भएमा उम्मेदवारी संभत: खारेज हुनेछ।

उता निर्वाचन आयोगका अनुसार भोलि बिहान १० देखि दिउँसो १ बजेसम्म उम्मेदवारले नाम फिर्ता लिनेका लागि समयसीमा तोकिएको छ ।

त्यसपछि भोलि दिउँसो ३ बजेभित्र उम्मेदवारको अन्तिम नामावली प्रकाशन गर्ने र ४ देखि ५ बजेभित्र उम्मेदवारलाई निर्वाचन चिह्न प्रदान गर्ने निर्वाचन आयोगको कार्यतालिका छ ।

प्रकाशित मिति: मंगलबार, असोज २५, २०७९ ०८:४१