बाँकेमा यी प्रभावशाली नेताले लिएनन् उम्मेदवारी फिर्ता

आम निर्वाचन-२०७९

गृहपृष्ठ
आम निर्वाचन-२०७९
बाँकेमा यी प्रभावशाली नेताले लिएनन् उम्मेदवारी फिर्ता

बाँकेमा यी प्रभावशाली नेताले लिएनन् उम्मेदवारी फिर्ता

बुधबार, असोज २६, २०७९ बागेश्वरी पोस्ट

नेपालगञ्ज । बाँकेमा केही प्रभावशाली नेताहरुले उम्मेदवारी फिर्ता लिएनन् । आ-आफ्नो क्षेत्रमा प्रभाव भएका ठूला दलका नेताहरुले नै उम्मेदवारी फिर्ता नलिएका हुन् ।

प्रदेशसभा क्षेत्र नम्बर १(१) मा टिकट नपाएपछि दल बदलेर जसपाबाट उम्मेदवारी दिएका माओवादी केन्द्रका अम्बरबहादुर खड्काले उम्मेदवारी फिर्ता लिएनन् । प्रदेश १(१) मा सत्ता गठबन्धनबाट माओवादीकी निवर्तमान सांसद कृष्णा केसी नमुना नै दोहोरिएर उम्मेदवार बनेकी छिन् ।

प्रदेशसभा क्षेत्र नम्बर २(२) मा माओवादी केन्द्रबाट उम्मेदवारी दिएका अक्कलबहादुर बमले पनि उम्मेदवारी फिर्ता लिएनन् । गठबन्धनबाट २(२) मा कांग्रेसका निवर्तमान सांसद सुरेन्द्रबहादुर हमालले टिकट पाएका छन् ।

यस्तै प्रदेशसभा क्षेत्र नम्बर ३ (१) बाट नेकपा एकीकृत समाजवादीका नेता दलबहादुर सुनारले स्वतन्त्र र नेपाली कांग्रेसका चन्तराम थारुले दल बदलेर नागरिक उन्मुक्ति पार्टीबाट उम्मेदवारी दिएका छन् । यहाँ गठबन्धनबाट माओवादीका निवर्तमान सांसद आइपी खरेल दोहोरिएका छन् । थारु २०७४ मा यसै क्षेत्रमा कांग्रेसबाट उम्मेदवार थिए । उनले खरेलसंग पराजय व्यहोरेका थिए ।

प्रकाशित मिति: बुधबार, असोज २६, २०७९ १५:०५