बाँकेमा यस्तो छ निर्वाचन क्षेत्रगत भूगोल र मतदाता संख्या

आम निर्वाचन-२०७९

गृहपृष्ठ
आम निर्वाचन-२०७९
बाँकेमा यस्तो छ निर्वाचन क्षेत्रगत भूगोल र मतदाता संख्या

बाँकेमा यस्तो छ निर्वाचन क्षेत्रगत भूगोल र मतदाता संख्या

बिहीबार, असोज २७, २०७९ बागेश्वरी पोस्ट

नेपालगञ्ज । बाँकेमा प्रतिनिधिसभामा ३ र प्रदेशसभामा ६ क्षेत्र छन् । प्रतिनिधिसभा क्षेत्र नम्बर १ मा कोहलपुर नगरपालिका, राप्तीसोनारी गाउँपालिका र नरैनापुर गाउँपालिका पर्दछन् ।

प्रदेशसभा क्षेत्र नम्बर १(१) मा नरैनापुर गाउँपालिका र राप्तीसोनारी गाउँपालिकाका १ देखि ७ नम्बर वडा पर्दछन् । प्रदेशसभा क्षेत्र नम्बर १(२) मा कोहलपुर नगरपालिका र राप्तीसोनारीका ८ र ९ नम्बर वडा पर्दछन् । प्रतिनिधिसभा क्षेत्र नम्बर १ मा १,२१,१०० मतदाता छन् भने प्रदेश १(१) मा ५५,८४५ र प्रदेश १(२) मा ६५,२५५ मतदाता छन् ।

प्रतिनिधिसभा क्षेत्र नम्बर २ मा डुडुवा गाउँपालिका र नेपालगञ्ज उपमहानगरपालिकाका २१ वडा (वडा नम्बर १६ र १७ बाहेक) पर्दछन् । यसैगरी प्रदेशसभा क्षेत्र नम्बर २(१) मा डुडुवा गाउँपालिका र नेपालगञ्जका वडा नम्बर १३, १८, १९, २०, २१, २२ र २३ पर्दछन् । प्रदेशसभा २(२) मा नेपालगञ्जका १ देखि १२ तथा १४ र १५ नम्बर वडा समेटिएका छन् । क्षेत्र नम्बर २ मा ९७,८०९ मतदाता छन् । यस्तै प्रदेश २(१) मा ५०,३१३ र २(२) मा ४७,४९६ जना मतदाता छन् ।

प्रतिनिधिसभा क्षेत्र नम्बर ३ मा बैजनाथ, खजुरा र जानकी गाउँपालिका पर्दछन् । प्रदेशसभा ३(१) मा बैजनाथ गाउँपालिका र खजुराका ५, ६, ७ र ८ नम्बर वडा समेटिएका छन् । यस्तै ३(२) मा जानकी गाउँपालिका, खजुराका १ देखि ४ नम्बर वडा र नेपालगञ्जका १६ र १७ नम्बर वडा समेटिएका छन् । क्षेत्र नम्बर ३ मा १,१३,३२२ मतदाता छन् भने प्रदेश ३(१) मा ६१,५९६ र ३(२) मा ५१,७२६ मतदाता छन् ।

No description available.