खजुराका कार्यकर्तासँग किशोरसिंह राठौरको भेटघाट, सत्तारुढ गठबन्धनलाई जिताउन आग्रह

आम निर्वाचन-२०७९

गृहपृष्ठ
आम निर्वाचन-२०७९
खजुराका कार्यकर्तासँग किशोरसिंह राठौरको भेटघाट, सत्तारुढ गठबन्धनलाई जिताउन आग्रह

खजुराका कार्यकर्तासँग किशोरसिंह राठौरको भेटघाट, सत्तारुढ गठबन्धनलाई जिताउन आग्रह

शनिबार, असोज २९, २०७९ बागेश्वरी पोस्ट

नेपालगन्ज । प्रतिनिधिसभा बाँके क्षेत्र नं. ३ का सदस्यका उम्मेद्वार किशोरसिंह राठौरले खजुरा क्षेत्रका कांग्रेस अगुवा कार्यकर्ताहरुसँग छलफल गर्दै सत्ता साझेदार गठबन्धनका सबै उम्मेदवारहरुलाई जिताउन आग्रह गरेका छन् ।

नेपाली कांग्रेसका सह-महामन्त्री समेत रहेका क्षेत्र नं. ३ का प्रतिनिधिसभा सदस्य उम्मेद्वार राठौरले कार्यकर्तासँगख छलफल कार्यक्रम गर्दै गठबन्धनका सबै उम्मेद्वारलाई जिताउने गरी अघि बढ्नुपर्ने बताएका छन् ।

सह-महामन्त्री राठौरे बाँके जिल्लासँगको आफ्नो पुर्ख्यौली नाता रहेकाले यहाँको विकास निर्माणमा आफूले सेवा गर्ने अवसर दिनका लागि जनतामाझ जान तयार रहेको बताए । राठौरले पार्टीको मूल्य र मान्यता स्थापित गर्न सधैं लागिपर्ने कुरामा जोड दिएका थिए । सत्तारुढ गठबन्धनबाट संघका उम्मेदवार रहेका राठौरले क्षेत्र नं. ३ का कांग्रेस कार्यकर्ता र यहाँका जनताको विश्वास भएकाले यहाँ चुनाव लड्न तयार भएको पनि बताएका थिए ।

राठौरलाई जिताउन कांग्रेसका प्रजातन्त्र सेनानीहरुले सम्पुर्ण कार्यकर्ताहरुलाई आह्वान गरेका थिए । प्रजातन्त्र सेनानी केदार घिमिरेले संगठन मजवुत भएकाले चुनावमा एक ढिक्का भएर लाग्ने तयारी गरेको बताए ।

संगठनमा भेदभाव नहोस् भन्दै कार्यकर्ताहरुले पुर्वाग्रही ढङ्गले कारवाहीमा परेका कार्यकर्ताहरु माथिको अनुशासनको कारवाही फुकुवा हुनुपर्ने माग गरेका हुन् । खजुरा-६ का वडा सभापति गोरे खाँले संगठन मजवुत भएकाले संगठको चुस्त दुरुस्त भएर परिचालान हुँदा गठनबन्धनका उम्मेदवारहरुलाई चुनाव जित्न अप्ठ्यारो नहुने बताएका छन् ।

नेपाली कांग्रेस क्षेत्र नं. ३ साविक क्षेत्र नं.४ का पूर्व सभापति महेन्द्र मल्लले संगठनका सबै संयन्त्रसँगै गठबन्धनलाई चुस्त दुरुस्त रुपमा चलायमान गराउनु पर्ने बताउँदै गठबन्धनका उम्मेदवारहरुलाई जिताउन सबैको कर्तब्य भएको बताए ।

प्रकाशित मिति: शनिबार, असोज २९, २०७९ १२:३३

प्रतिक्रिया दिनुहोस्