सत्तारुढ दलहरुबीचको चुनावी गठबन्धन नेचुरल छः राठोर

आम निर्वाचन-२०७९

गृहपृष्ठ
आम निर्वाचन-२०७९
सत्तारुढ दलहरुबीचको चुनावी गठबन्धन नेचुरल छः राठोर

सत्तारुढ दलहरुबीचको चुनावी गठबन्धन नेचुरल छः राठोर

कथित बुद्धिजिवीले भ्रम छर्न खोजे

शनिबार, असोज २९, २०७९ बागेश्वरी पोस्ट

नेपालगञ्ज । नेपाली कांग्रेसका सह-महामन्त्री एवम् प्रतिनिधिसभा क्षेत्र नम्बर ३ का उम्मेदवार किशोरसिंह राठोरले सत्तारुढ दलहरुबीचको चुनावी तालमेल 'नेचुरल' भएको बताएका छन् ।

नेपाल प्रेस युनियन बाँके सम्बद्ध पत्रकारहरुसंगको अन्तरक्रिया कार्यक्रममा राठोरले नेपालका कथित बुद्धिजिवीले सत्तारुढ दलहरुबीचको चुनावी तालमेलका विरुद्ध अफबाह फैलाएर दिग्भ्रमित गर्न खोजे पनि जनताले प्रष्ट बुझेको बताए । उनले नेपालका ९५ प्रतिशत बुद्धिजिवी विकाउ भएको टिप्पणी गरे । उनले संसदीय अभ्यास गरिरहेका दलहरुबीच नै संविधान र लोकतन्त्रको रक्षाका खातिर चुनावी तालमेल भएकाले कांग्रेस नेतृत्वको गठबन्धन नेचुरल भएको बताए । उनले गठबन्धनका उम्मेदवारलाई जिताउन आह्वान गरे ।

६० बर्षदेखि बाँकेमै घर भएको मान्छेलाई बाहिरको उम्मेदवार बनेर भ्रम छर्न खोजिएपनि आफू निरन्तर बाँकेमा बसिरहेको बाँकेका जनताले बुझेको राठोरले बताए । आफू कुनै लोभ, लालच र स्वार्थ विना राजनीतिमा होमिएकाले जनताको कल्याण र उत्थान बाहेक आफ्नो अरु कुनै अभिष्ट नभएको उनले स्पष्ट पारे ।

कार्यक्रममा नेपाल प्रेस युनियनका बरिष्ठ उपाध्यक्ष प्रेम केसी, बरिष्ठ पत्रकार हेमन्त कर्माचार्य, नेपाल प्रेस युनियन बाँकेका अध्यक्ष अर्जुन ओली, पूर्व अध्यक्ष नरेन्द्र थापा, सल्लाहकार चेतकान्त भट्टराई, नवीन गिरी, बसन्त उपाध्याय, कमल खत्री लगायतले धारणा राखेका थिए ।

प्रकाशित मिति: शनिबार, असोज २९, २०७९ २०:५४

प्रतिक्रिया दिनुहोस्