सांसद भण्डारी भेन्टिलेटरबाट बाहिर, स्वास्थ्यमा उल्लेख्य सुधार

स्वास्थ्य

गृहपृष्ठ
स्वास्थ्य
सांसद भण्डारी भेन्टिलेटरबाट बाहिर, स्वास्थ्यमा उल्लेख्य सुधार

सांसद भण्डारी भेन्टिलेटरबाट बाहिर, स्वास्थ्यमा उल्लेख्य सुधार

सोमबार, फागुन ८, २०७९ बागेश्वरी पोस्ट

फाइल फोटो

नेपालगन्ज । ग्यास सिलिन्डर विष्फोटबाट जलेर गम्भीर घाइते भई भारतको मुम्बईस्थित नेशनल बर्नस् सेन्टरमा उपचार भइरहेका नेपाली कांग्रेसका सांसद डा. चन्द्र भण्डारीको स्वास्थ्यमा उल्लेख्य सुधार आएको छ ।

स्थानीय समय अनुसार आज बिहान १०ः१५ बजे चिकित्सकबाट काउन्सिलिङ सम्पन्न भएको भन्दै अस्पतालबाट माधव न्यौपानलेले अवस्था सामान्य बन्दै गएको बताएका छन् ।

उनले ट्रायलका रुपमा भेन्टिलेटर हटाइएको जनाएका छन् । त्यस्तै सांसद भण्डारीलाई ज्वरो आएको छैन । साथै सबै स्वास्थ्य पारामिटर नर्मल रहेका छन् । सुन्निएको भाग घट्दै गएको छ । स्वास्थ्य सामान्यतर्फ गईरहेको छ ।

ग्यास लिक भएर आगलागीमा परी ३० प्रतिशतसम्म शरीर जलेका सांसद भण्डारीलाई कृत्रिम अक्सिजनको मात्रा कम गर्दै लगिएको छ । त्यस्तै हातको जलेको भागले पनि काम गर्न थालेको छ । दुवै खुट्टाहरुको शल्यक्रियापछिको पहिलो ड्रेसिङ्ग गरिएको छ ।

गत बुधबार राति काठमाडौंको घरमा ग्यास लिक भएर आगलागीमा परी उनीसँगै उनकी आमा घाइते भएका थिए । उनकी आमाको भने बिहीबार बिहान निधन भएको थियो ।

प्रकाशित मिति: सोमबार, फागुन ८, २०७९ १४:२०