सुदूरपश्चिमका आन्तरिक मामिला मन्त्री सिंह सवार जीप दुर्घटना, मन्त्रीसहित ३ को अवस्था गम्भीर

स्वास्थ्य

गृहपृष्ठ
स्वास्थ्य
सुदूरपश्चिमका आन्तरिक मामिला मन्त्री सिंह सवार जीप दुर्घटना, मन्त्रीसहित ३ को अवस्था गम्भीर

सुदूरपश्चिमका आन्तरिक मामिला मन्त्री सिंह सवार जीप दुर्घटना, मन्त्रीसहित ३ को अवस्था गम्भीर

मंगलबार, असार ५, २०८० बागेश्वरी पोस्ट

नेपालगन्ज । सुदूरपश्चिम सरकारका आन्तरिक मामिला तथा कानून मन्त्री पृथ्वीबहादुर सिंह सवार जीप दुर्घटनामा परेको छ ।

मन्त्री सिंह सवार सुपप्र ०१००१ झ ४८० नम्बरको जीप डडेल्धुराबाट चैनपुर जाने क्रममा बझाङको केदारस्युँ गाउँपालिकाको धारछडा भन्ने ठाउँमा सडकबाट करिब ५० मिटर तल कालंगा खोला किनारमा खसेर दुर्घटनाग्रस्त भएको मन्त्रीका प्रेस सल्लाहकार ललित सिंहले जनाएका छन् ।

दुर्घटनामा परी मन्त्री सिंहसहित पाँच जना घाइते भएका छन् । गाडीका सवार मन्त्री सिंहकी श्रीमती, भाउजु, पीएसओ र चालक घाइते भएको सल्लाहकार सिंहले बताएका छन् ।

उनका अनुसार मन्त्री सिंहसहित श्रीमती र भाउजुको अवस्था गम्भीर रहेको छ । मन्त्री सिंहको केदारस्युँ गाउँपालिका १ देउरास्थित ॠतु पोलिक्लिनिकमा र अन्य ३ जनाको रायल प्राथमिक स्वास्थ केन्द्र देउरामा उपचार भइरहेको छ । थप उपचारका लागि हेलिकोप्टरमार्फत लैजाने तयारी भए पनि अझै हेलिकोप्टर आइनसकेको उनले बताए ।

प्रकाशित मिति: मंगलबार, असार ५, २०८० १६:१५

प्रतिक्रिया दिनुहोस्