तेस्रो चरणको कोरोना खोप लगाउन नेपालगन्जमा तयारी तीब्र

स्वास्थ्य

गृहपृष्ठ
स्वास्थ्य
तेस्रो चरणको कोरोना खोप लगाउन नेपालगन्जमा तयारी तीब्र

तेस्रो चरणको कोरोना खोप लगाउन नेपालगन्जमा तयारी तीब्र

बुधबार, फागुन १९, २०७७ बागेश्वरी पोस्ट

नेपालगन्ज । नेपालगन्ज उपमहानगरपालिकामा कोरोनाको तेश्रो चरणको खोप लगाउन तयारी तीब्र पारिएको छ । फागुन २३ देखि २६ गतेसम्म ४ दिन २३ ओटै वडामा खोप लगाइने स्वास्थ्य शाखा प्रमुख रामबहादुर चन्दले बताउनुभयो । नगरका ५५ वर्ष माथिका १५ हजार २ सय ६ जनालाई खोप लगाउने लक्ष्य छ । त्यसका लागि १ सय १९ जना स्वास्थ्यकर्मी परिचालन गर्ने चन्दले जानकारी दिनुभयो । नेपालगन्ज उपमहानगरपालिका स्तरीय खोप समन्वय समितिका पदाधिकारीहरुका लागि आयोजित अभिमुखीकरणमा मेयर डा.धवल समशेर राणाले खोप अभियानलाई प्रभावकारी बनाउन सबै लाग्नुपर्नेमा जोड दिनुभयो । जिल्ला कोभिड-१९ संकट व्यवस्थापन केन्द्रका फोकल पर्सन तथा नेपालगन्ज उपमहानगरपालिकाका हेल्थ असिस्टेन्ट तेज वलीले बाँकेमा पहिलो चरणमा ९९.३४ र दोश्रो चरणमा १०१ प्रतिशतले कोरोना विरुद्धको खोप लगाएको बताउनुभयो ।

प्रकाशित मिति: बुधबार, फागुन १९, २०७७ २०:४७

प्रतिक्रिया दिनुहोस्