बाँकेमा पनि जेष्ठ नागरिकलाई कोभिड खोप लगाउन शुरु

स्वास्थ्य

गृहपृष्ठ
स्वास्थ्य
बाँकेमा पनि जेष्ठ नागरिकलाई कोभिड खोप लगाउन शुरु

बाँकेमा पनि जेष्ठ नागरिकलाई कोभिड खोप लगाउन शुरु

आइतबार, फागुन २३, २०७७ बागेश्वरी पोस्ट

फाइल फोटो

नेपालगन्ज । ६५ बर्ष माथिका जेष्ठ नागरिकलाई आजदेखि कोरोना विरुद्धको खोप लगाउन शुरु गरिएको छ ।

बाँकेमा पनि खोप लगाउन शुरु भएको छ । आजदेखि २५ गतेसम्म खोप लगाइनेछ । बाँकेमा तीन दिन २५ हजार बढी जेष्ठ नागरिकलाई कोरोना विरुद्धको खोप लगाइँदैछ । फागुन २३ गतेदेखि २५ गतेसम्म ६५ वर्ष माथिका र पहिलो तथा दोस्रो चरणमा खोप लगाउन छुटेका लक्षित समूहलाई खोप लगाइने स्वास्थ्य कार्यालय बाँकेले जनाएको छ ।

२५ हजार ७ सय ८९ जनालाई खोप लगाउने लक्ष्य रहेको स्वास्थ्य कार्यालय बाँकेका प्रमुख धीरजंग शाहले बताउनुभयो । जिल्लाका ८१ वटै वडाबाट खोप दिइँदैछ । बाँकेमा पहिलो र दोस्रो चरणमा १० हजारले खोप लगाएका थिए ।

प्रकाशित मिति: आइतबार, फागुन २३, २०७७ १२:१७

प्रतिक्रिया दिनुहोस्