बाँकेमा एकैदिन थपिए १६२ कोरोना संक्रमित, अस्पताल भर्ना हुने पनि बढे

स्वास्थ्य

गृहपृष्ठ
स्वास्थ्य
बाँकेमा एकैदिन थपिए १६२ कोरोना संक्रमित, अस्पताल भर्ना हुने पनि बढे

बाँकेमा एकैदिन थपिए १६२ कोरोना संक्रमित, अस्पताल भर्ना हुने पनि बढे

मंगलबार, माघ ११, २०७८ बागेश्वरी पोस्ट

नेपालगञ्ज । बाँकेमा आज पनि ठूलो संख्यामा कोरोना संक्रमण पुष्टि भएको छ । जिल्लाका तीन वटा प्रयोगशालामा गरिएको स्वाब परीक्षणमा १६२ जनामा कोरोना पुष्टि भएको छ । जुन ६५.५९ प्रतिशत हो । यसमा बाँकेमा मात्र ९७ जना छन् । बाँकेमा अब सक्रिय संक्रमितको संख्या ८२३ पुगेको छ ।

ओमिक्रोनको संक्रमण फैलिएपछि यो हालसम्मकै सर्वाधिक संख्या हो । भेरी अस्पताल ल्याब, मेडिकल कलेज कोहलपुर र बागेश्वरी ल्याबमा पछिल्लो २४ घण्टामा २४७ नमुना परीक्षण गरिएको जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीले बताए ।

भेरीमा १३६ नमुना जाँच्दा ८९, मेडिकल कलेजमा ७९ मा ५४ र बागेश्वरी ल्याबमा ३२ नमुनामा १९ जनालाई कोरोना पुष्टि भएको छ । आज ४६ जना निको भएका छन् । एक जना संक्रमितको मृत्यु भएको छ । अस्पतालमा भर्ना हुने संक्रमित पनि बढेका छन् । यहाँका अस्पताल र आइसोलेसनमा ४७ जना उपचाररत छन् । ती मध्ये ४५ जना मध्यम, १ जना सिकिस्त र १ जना भेन्टिलेटरमा छन् ।

प्रकाशित मिति: मंगलबार, माघ ११, २०७८ १४:१९