बागमती प्रदेश सरकारले नेपाली राष्ट्रिय क्रिकेट टोलीलाई जनही १ लाख पुरस्कार दिने

खेलकुद

गृहपृष्ठ
खेलकुद
बागमती प्रदेश सरकारले नेपाली राष्ट्रिय क्रिकेट टोलीलाई जनही १ लाख पुरस्कार दिने

बागमती प्रदेश सरकारले नेपाली राष्ट्रिय क्रिकेट टोलीलाई जनही १ लाख पुरस्कार दिने

शुक्रबार, चैत ३, २०७९ बागेश्वरी पोस्ट

नेपालगन्ज । आईसिसी विश्वकप लिग- २ अन्तर्गतको अन्तिम खेलमा यूएईलाई पराजित गर्दै जिम्वावेमा हुने विश्वकप छनौट खेलमा पुगेको नेपाली राष्ट्रिय क्रिकेट टोलीलाई बागमती प्रदेश सरकारले जनही १-१ लाख पुरस्कार दिने घोषण गरेको छ ।

प्रदेश सरकारले उत्कृष्ट प्रदर्शन गर्दै नेपाली खेलाडीहरुले क्रिकेटका माध्यमबाट इतिहास बनाउन सफल भएकोमा प्रोत्साहनस्वरुप सो रकम पुरस्कार दिने निर्णय गरिएको प्रदेश सरकारका प्रवक्ता एवं आर्थिक मामिला तथा योजनामन्त्री जगन्नाथ थपलियाले जानकारी दिएका छन् ।

क्रिकेट खेलाडीहरुले उत्कृष्ट खेलेका कारण देशको शिर उचाइमा पुर्‍याएकामा प्रदेश सरकारले गौरव गरेको उनले बताए । युएईमाथि प्राप्त जितले नेपाल तालिकाको तेस्रो स्थानमा रहेर विश्वकप छनोटमा पुगेको हो । विश्वकप लिग- २ का सहभागी ७ टोलीमध्ये शीर्ष ३ टोली विश्वकप छनोटमा पुग्ने प्रावधान रहेको छ । यसअघि प्रधानमन्त्री पुष्पकमल दाहाल प्रचण्डले पनि खेलाडीलाई जनही ३-३ लाख रुपैयाँ पुरस्कार दिने घोषणा गरिसकेका छन् ।

प्रकाशित मिति: शुक्रबार, चैत ३, २०७९ १४:४४

प्रतिक्रिया दिनुहोस्