प्रधानमन्त्री कप महिला भलिबलको उपाधि भारतको हरियाणालाई

खेलकुद

गृहपृष्ठ
खेलकुद
प्रधानमन्त्री कप महिला भलिबलको उपाधि भारतको हरियाणालाई

प्रधानमन्त्री कप महिला भलिबलको उपाधि भारतको हरियाणालाई

सोमबार, चैत १४, २०७८ बागेश्वरी पोस्ट

नेपालगञ्ज । आठौं प्रधानमन्त्री कप महिला भलिबल प्रतियोगिताको उपाधि भारतको हरियाणा स्पोर्ट्स क्लबले जितेको छ ।

नेपालगञ्ज रंगशालास्थित कभर्ड हलमा सोमबार सम्पन्न फाइनल खेलमा हरियाणाले पुलिसमाथि सोझो सेटमा जीत निकाल्दै उपाधि जितेको हो । हरियाणाले नेपाल पुलिसलाई २६- २४, २१- २५ र २५- २३ को सेटले पराजित गर्दै उपाधिसंगै नगद ५ लाख रुपैयाँ हात पारेको छ ।

पुलिसले उपविजेता बन्दै २ लाख ५० हजारमा चित्त बुझाएको छ । चैत १० गतेदेखि शुरु भएको प्रतियोगितामा त्रिभुवन आर्मी क्लब तेस्रो हुँदै १ लाख र न्यू डायमण्डले चौथो हुँदै ५० हजार रुपैयाँ पुरस्कार जितेका छन् । नेपाल आर्मी क्लबले न्यू डायमण्डलाई २५-२१, २५-८ र २६-२४ को सोझो सेटमा पराजित गर्दै तेस्रो स्थान हासिल गरेको हो ।

लिगकम नकआउटका आधारमा भएको प्रतियोगितामा भारत छत्तिसगढको एकलब्य स्पोर्ट्स कम्प्लेक्स र आयोजिक लुम्बिनी सेमीफाइनल प्रवेश गर्न सकेनन् ।

प्रकाशित मिति: सोमबार, चैत १४, २०७८ १७:५५

प्रतिक्रिया दिनुहोस्