नागरिक उन्मुक्ति पार्टीको भोलिदेखिको नेपाल बन्द फिर्ता

राजनीति

गृहपृष्ठ
राजनीति
नागरिक उन्मुक्ति पार्टीको भोलिदेखिको नेपाल बन्द फिर्ता

नागरिक उन्मुक्ति पार्टीको भोलिदेखिको नेपाल बन्द फिर्ता

शुक्रबार, जेठ ५, २०८० बागेश्वरी पोस्ट

नेपालगन्ज । नागरिक उन्मुक्ति पार्टीको भोलिदेखि हुने भनिएको नेपाल बन्द फिर्ता भएको छ । उन्मुक्ति पार्टीले भोलि ६ गतेदेखि १० गतेसम्म गर्ने नेपालबन्द घोषणा कार्यक्रम गर्ने भनिए पनि फिर्ता भएको हो ।

प्रधानमन्त्री पुष्पकमल दाहाल प्रचण्डले संसदमा लाल आयोगको प्रतिवेदन सार्वजनकि गरिने फौजदारी विधेयक संसदमा टेबल भइसकेको जानकारी दिएको भन्‍दै शुक्रबार पार्टीका वरिष्ठ उपाध्यक्ष दामोदर पण्डितले विज्ञप्ति जारी गरेर नाउपाले गर्न लागेको सबै बन्दका कार्यक्रम फिर्ता लिइएको जनाइएको छ ।

विज्ञप्तिमा भनिएको छ, ‘सरकार पक्षबाट सम्माननीय प्रधानमन्त्री ज्‍यूले सदनमै ‘लाल आयोग’ प्रतिवेदन सार्वजनिक गरिने फौजदारी विधेयक संसदमा टेबुल भैसकेको लगायत अन्य राजबन्दीको रिहाइ कानुन संशोधन गरेर भए पनि निकाल्‍ने प्रतिवद्धता संसदमै जाहेर गर्नु भएको हुँदा सरकार पक्षसँग भएको सम्झौता सकारात्मक भएको महसुस नागरिक उन्मुक्ति पार्टीलाई भएकाले अर्को सूचना नआउँदासम्म बन्द स्थगित गरिएको छ ।'

प्रकाशित मिति: शुक्रबार, जेठ ५, २०८० १८:५९

प्रतिक्रिया दिनुहोस्