डीएलएको अध्यक्षमा सीताराम केसी निर्वाचित

राजनीति

गृहपृष्ठ
राजनीति
डीएलएको अध्यक्षमा सीताराम केसी निर्वाचित

डीएलएको अध्यक्षमा सीताराम केसी निर्वाचित

आइतबार, जेठ २८, २०८० बागेश्वरी पोस्ट

नेपालगन्ज । नेपाल डेमोक्रयाटिक लयर्स एसोसिसन (डीएलए) को अध्यक्षमा सीताराम केसी निर्वाचित भएका छन् ।

चितवनको रत्ननगरमा शुक्रबारदेखि शुरु भई शनिबार मतदान भएको डीएलएको ११औँ महाधिवेशनबाट वरिष्ठ अधिवक्ता केसी अध्यक्षमा विजयी भएका हुन् ।

अध्यक्षमा केसी र दाहालसँगै केदार कार्की, लक्ष्मण थपलिया र कृष्ण घिमिरे भुषणले पनि प्रतिस्पर्धा गरेका थिए ।

निर्वाचनबाट वरिष्ठ उपाध्यक्षमा जगन्नाथ ढकाल र महिला उपाध्यक्षमा कविता थापा कार्की विजयी भएका छन् ।

त्यसैगरी हरेक प्रदेशबाट एक एक जना केन्द्रीय उपाध्यक्ष निर्वाचित हुने व्यवस्था अनुसार कोशीबाट कविता बस्नेत, मधेसबाट रमानन्द शाह, बागमतीबाट जनकराज श्रेष्ठ, गण्डकीबाट भूमिश्वर शर्मा गौतम, लुम्बिनीबाट विष्णुप्रसाद धिताल, कर्णालीबाट पदमबहादुर शाही र सुदूरपश्चिमबाट गंगाराम उपाध्याय उपाध्यक्षमा निर्वाचित भएका छन् ।

डीएलएको महासचिवमा ज्ञानेन्द्रप्रसाद अधिकारी, सचिवमा शिवप्रसाद रेग्मी, महिला सचिवमा धनमाया राना र कोषाध्यक्षमा हरिबहादुर बस्नेतले जित हासिल गरेका छन् ।

त्यसैगरी केन्द्रीय सदस्यमा अफताब आलम, गोविन्दराम परियार, प्रविण महर्जन, सतेन्द्र प्रजापती, अमितकुमार कर्ण, सुनिल पाण्डे, दिपेन्द्र अधिकारी, प्रदीप कार्की, दामोदर तिम्सिना चिरन, किरण पौडेल, चक्रबहादुर थापा, दुर्गाप्रसाद पोखरेल, प्रज्वल अधिकारी, विनोद अधिकारी, हरिप्रसाद रेग्मी, हरिप्रसाद पन्त, विष्णुकुमारी शर्मा, भरतबहादुर सिंह, सीता रेग्मी योन्जन, मन्दिरा अधिकारी, बसुन्धारा थापा, मनमाया पाठक, अमलराज शाही र विष्णु खनाल निर्वाचित भएका छन् ।

तीन वर्षे कार्यकालका लागि नयाँ नेतृत्व चयन गर्न देशभर झण्डै १६ सय महाधिवेशन प्रतिनिधिहरु रहेकामा ११ सयले मात्र मत हालेका थिए ।

प्रकाशित मिति: आइतबार, जेठ २८, २०८० १०:११