हामी केन्द्रीय सदस्य नाम मात्रका भयौं: दीपक गिरी

राजनीति

गृहपृष्ठ
राजनीति
हामी केन्द्रीय सदस्य नाम मात्रका भयौं: दीपक गिरी

हामी केन्द्रीय सदस्य नाम मात्रका भयौं: दीपक गिरी

सोमबार, मंसिर १८, २०८० बागेश्वरी पोस्ट

दीपक गिरी

नेपालगञ्ज । नेपाली कांग्रेसका केन्द्रीय सदस्य दीपक गिरीले कांग्रेस भएर अरुलाई भोट हाल्ने छुट कसैलाई नभएको बताएका छन् । नेपाली कांग्रेस लुम्बिनी प्रदेश सम्मेलनको उद्घाटन सत्रलाई शनिवार बुटवलमा सम्बोधन गर्दै केन्द्रीय सदस्य गिरीले लोकतन्त्रमा आफ्ना विचार राख्न पाइने भएपनि कांग्रेस बाहेक अरुलाई भोट हाल्न पाइँदैन भने ।

उनले सम्मेलनहरु भाषणमा मात्र केन्द्रित हुने गरेको बताउँदै ठोस सन्देश दिन सक्नुपर्नेमा जोड दिए । उनले नेता कार्यकर्तामा उर्जा प्रवाह गर्न पार्टी सशक्त ढंगले लाग्नुपर्ने बताए । गिरीले महासमिति बैठक पटक पटक सरेकोप्रति इंगित गर्दै भने-"महासमिति फेरि पुष १६/१७ गते सरेको सुनेको छु, केन्द्रिय सदस्य त हामी नाम मात्रका हौं, पदाधिकारीको मात्र मिटिंग बस्छ, हामी केन्द्रिय सदस्यलाई त थाहा नै दिइँदैन, तपाईंहरुले केन्द्रिय सदस्यज्यू भन्दिनुहुन्छ, त्यत्ति हो ।"

प्रकाशित मिति: सोमबार, मंसिर १८, २०८० १९:३५

प्रतिक्रिया दिनुहोस्