माओवादीले फिर्ता लियो सरकारलाई दिएको समर्थन [पत्रसहित]

राजनीति

गृहपृष्ठ
राजनीति
माओवादीले फिर्ता लियो सरकारलाई दिएको समर्थन [पत्रसहित]

माओवादीले फिर्ता लियो सरकारलाई दिएको समर्थन [पत्रसहित]

बुधबार, वैशाख २२, २०७८ बागेश्वरी पोस्ट

काठमाडौँ । नेकपा माओवादी केन्द्रले केपी शर्मा ओली नेतृत्वको सरकारलाई दिएको समर्थन औपचारिक रुपमा फिर्ता लिएको छ ।

बुधबार (आज) माओवादी केन्द्रका प्रमुख सचेतक देव गुरुङले संघीय संसद सचिवालय पुगेर सरकारलाई दिएको समर्थन औपचारिक रुपमा फिर्ता लिएकपत्र सचिव गोपालनाथ योगीलाई बुझाएका हुन् ।

अध्यक्ष पुष्पकमल दाहाल प्रचण्डले हस्ताक्षर गरेको पत्रमा आजकै मितिबाट लागु हुनेगरी समर्थन फिर्ता लिइएको उल्लेख गरिएको छ। पत्रमा प्रधानमन्त्री ओलीले विश्वासको मत लिनुपर्ने बेला नलिएको र वैशाख २७ गते संसदको नियमित अधिवेशन बोलाउनुपर्ने बेलामा विश्वासको मत लिनका लागि बैठक बोलाएको भन्दै आक्रोश पोखेको छ। संविधान र परम्परा मिच्दै ओलीले २७ गते बैठक बोलाएको माओवादीको ठहर छ ।

मंगलबार (हिजो) बसेको स्थायी समिति बैठकले ओली नेतृत्वको सरकारलाई दिएको समर्थन औपचारिक रुपमा फिर्ता लिने निर्णय गरेको थियो। सोहि निर्णयअनुसार माओवादीले आज संसद सचिवालयलाई समर्थन फिर्ता लिइएको जानकारी गराएको हो ।

माओवादीले समर्थन फिर्ता लिएसँगै सरकार अल्पमतमा परेको छ। यही वैशाख २७ गते बस्ने संसदको विशेष अधिवेशनमा प्रधानमन्त्री ओलीले विश्वासको मत लिँदैछन् ।