गण्डकी प्रदेशका मुख्यमन्त्री गुरुङले दिए राजीनामा

राजनीति

गृहपृष्ठ
राजनीति
गण्डकी प्रदेशका मुख्यमन्त्री गुरुङले दिए राजीनामा

गण्डकी प्रदेशका मुख्यमन्त्री गुरुङले दिए राजीनामा

आइतबार, वैशाख २६, २०७८ बागेश्वरी पोस्ट

पोखरा । गण्डकी प्रदेशका मुख्यमन्त्री पृथ्वीसुब्बा गुरुङले पदबाट राजीनामा दिएका छन् ।

गुरुङले आइतबार (आज) प्रदेश प्रमुख समक्ष मुख्यमन्त्रीको पदबाट राजीनामा दिएका हुन्। एमाले प्रमुख सचेतक मायानाथ अधिकारीका अनुसार उनको राजीनामा प्रदेश प्रमुखले स्वीकृत गरेका छन् ।

मुख्यमन्त्रीविरुद्ध प्रदेशसभामा दर्ता भएको अविश्वासको प्रस्तावमा सोमबार (भोलि) मतदान हुँदैछ। प्रदेशसभामा पेस भएको अविश्वास प्रस्तावमाथि मतदान हुने कार्यसूची रहेकै बेला उनले अकस्मात राजीनामा दिएका हुन् ।

२ वैशाखमा दर्ता भएको अविश्वास प्रस्तावमा १५ वैशाखमा मतदान हुने कार्यसूची थियो। तर, संसद चलिरहेको अवस्थामा राष्ट्रिय जनमोर्चाका सांसद खिमविक्रम शाही बेपत्ता भएकाले बैठक स्थगित गरी खोजी गरिदिन सांसद प्यारी थापाले निवेदन दिएपछि बैठक अनिश्चितकालका लागि स्थगित भएको थियो।

यही बीचमा वैशाख २३ मा बसेको कार्यव्यवस्था परामर्श समितिको बैठकले २७ गते बिहान ११ बजे बैठक बस्ने निर्णय गरेको थियो ।