प्रशान्त बिष्ट तेस्रो कार्यकालका लागि नेपालगन्ज नगर सभापतिमा निर्वाचित

राजनीति

गृहपृष्ठ
राजनीति
प्रशान्त बिष्ट तेस्रो कार्यकालका लागि नेपालगन्ज नगर सभापतिमा निर्वाचित

प्रशान्त बिष्ट तेस्रो कार्यकालका लागि नेपालगन्ज नगर सभापतिमा निर्वाचित

बिहीबार, मंसिर २, २०७८ बागेश्वरी पोस्ट

नेपालगन्ज । नेपाली कांग्रेस नेपालगन्ज नगर सभापतिमा प्रशान्त बिष्ट तेस्रो कार्यकालका लागि निर्वाचित भएका छन् ।

बिष्ट २४३ मतका साथ विजयी भएका हुन् । बिष्ट संस्थापन समूहका हुन् । नेपालगन्ज नगर सभापति पदमा दुई जना संस्थापन समूह र एक जना संस्थापन इतरका उम्मेदवार थिए । संस्थापनबाट अर्का उम्मेदवार बिनोद रिजाल र संस्थापन इतरबाट उमा थापा मगर उम्मेदवार थिए। विष्टका निकटतम् प्रतिद्वन्दी थापा मगरले ७६ मत पाउँदा रिजालले ४१ मत पाएका छन् । नेपालगन्ज नगर अधिबेशनमा पदाधिकारी सबैमा प्रशान्त बिष्ट प्यानल विजयी भएको हो ।

बिष्ट प्यानलबाट उपसभापतिमा धनराज बर्मा र मो. कमाल अन्सारी विजयी भएका छन् । त्यस्तै बिष्ट प्यानलबाटै सचिवमा सुरेन्द्र कुमार श्रेष्ठ र हरिबाबु घिमिरे निर्बाचित भएका छन् ।

सहसचिवमा बिष्ट प्यानलबाट मार्टिन वली क्षेत्री र शरदराज अधिकारी विजयी भएका छन् । नयाँ नेतृत्व छान्न आज भएको मतदानमा ३८२ मध्ये ३७७ मत खसेको थियो ।

प्रकाशित मिति: बिहीबार, मंसिर २, २०७८ २२:००