कांग्रेस पार्टी कार्यालयमा लागेको ताला १२ दिनपछि खुल्यो

राजनीति

गृहपृष्ठ
राजनीति
कांग्रेस पार्टी कार्यालयमा लागेको ताला १२ दिनपछि खुल्यो

कांग्रेस पार्टी कार्यालयमा लागेको ताला १२ दिनपछि खुल्यो

आइतबार, जेठ २९, २०७९ बागेश्वरी पोस्ट

नेपालगञ्ज । नेपाली कांग्रेस बाँकेको पार्टी कार्यालयमा लागेको ताला १२ दिनपछि खुलेको छ । असन्तुष्ट पक्षसंग हिजो भएको वार्तामा ताला खोल्ने सहमति भएपछि आज विहान ताला खुलेको हो ।

जिल्ला सचिव सुधांशु कोइरालाले असन्तुष्ट पक्षले आज विहान साढे १० बजेतिर ताला खुलेको बताए । संविधानसभा सदस्य बादशाह कुर्मी लगायत नेताहरु आएर ताला खोलेको कोइरालाले जानकारी दिए । ताला खुलेपछि कार्यालयको कामकाज सुचारु भएको कार्यालय प्रमुख उमेश शर्माले बताए ।

हिजो केन्द्रीय सदस्य मैकुलाल बाल्मिकीको उपस्थितिमा दुबै पक्षका नेताहरु बसेर निकास निकाल्न सहमत भएका थिए । जिल्ला कार्यालयमा लगाइएको तालाको विषयमा असन्तुष्ट पक्षले बुझाएको ध्यानाकर्षण पत्रमा उल्लेख गरिएका विषयहरु कांग्रेस केन्द्रीय कार्यालयमा विचाराधीन रहेकाले यस विषयमा केन्द्रले गर्ने निर्णयमा दुवै पक्ष सहमत हुने गरी निकास निकालिएको हो ।

पार्टी कार्यालयलाई विधान बमोजिम नियमितरुपमा सञ्चालन गर्नका लागि पार्टी कार्यालय नियमितरुपमा सञ्चालन हुन आवश्यक रहेको महसुस गर्दै पार्टी कार्यालयमा लगाइएको ताला खोल्ने सहमति बनेको थियो । आगामी दिनमा पार्टीलाई विधि विधान र पद्धती बमोजिम सबैको सम्मान हुने गरी सञ्चालन गर्ने गरी दुबै पक्ष सहमत भई पार्टी कार्यालयमा लगाइको ताला खोल्न असन्तुष्ट पक्ष सहमत भएको थियो ।

असन्तुष्ट पक्षले विधि विधान विपरीत जिल्ला कार्यसमितिले विभिन्न मनोनयन गरेको दाबी गर्दै जेठ १८ गते तालावन्दी गरेको थियो ।

प्रकाशित मिति: आइतबार, जेठ २९, २०७९ ११:३४