दाङको राजपुरमा महिलाका लागि आत्मसुरक्षा कार्यक्रम

सुरक्षा-अपराध

गृहपृष्ठ
सुरक्षा-अपराध
दाङको राजपुरमा महिलाका लागि आत्मसुरक्षा कार्यक्रम

दाङको राजपुरमा महिलाका लागि आत्मसुरक्षा कार्यक्रम

सोमबार, जेठ १, २०८० बागेश्वरी पोस्ट

दाङ । समाजमा हिजोआज बढ्दै गएको जघन्य अपराध र महिला हिंसा जस्ता अप्रिय घटनाहरु घट्दै गएका छन् ।

जसका कारण नावालिकामाथि समेत बलात्कार हुने र ज्यान समेत जाने गरेका अपराधिक घटनाहरुलाई निरुत्साहित गर्न एवं महिलाहरुलाई पनि आत्मसुरक्षा तयारी जस्ता कुरामा चनाखो बनाउने उद्देश्यले सोमबार "थर्ड आई नेपाल" को आयोजना तथा राजपुर गाउँपालिकाको समन्वयन र सहयोगमा "महिलाहरुको लागि आत्मसुरक्षा" कार्यक्रम सम्पन्न गरिएको छ ।

गत वैशाख २५ गतेबाट शुरु गरिएको हो । राजपुर गाउँपालिकाका अध्यक्ष शरद कुमार बुढाथोकीको प्रमुख आथित्यतामा भएको जनचेतनामूलक कार्यक्रममा राजपुर गाउँपालिका उपाध्यक्ष धनपतिदेवी यादव, प्रमुख प्रशासकीय अधिकृत विष्णु प्रसाद पाण्डेय, विभिन्न माध्यमिक विद्यालयका व्यवस्थापन समितिका अध्यक्ष, प्रधानाध्यापक लगायतको उपस्थिति रहेको थियो ।

सो कार्यक्रममा बोल्ने बक्ताहरुले पछिल्लो समय समाजमा बढ्दो बेरोजगारी, लागूऔषध सेवन र पश्चिमा सभ्यताको विकृतिको सिकोले महिला तथा स्कुले बालिकाहरु असुरक्षित बन्दै गएकाले सुरक्षाको प्रत्याभूतिको लागि सम्बन्धित निकायहरु जागरुक हुन आवश्यक रहेको बताएका थिए ।

उक्त कार्यक्रममा श्री साधारण नमूना माध्यमिक विद्यालय र श्री जनज्योति माध्यमिक विद्यालयको पनि सहभागीता रहेको संस्थाका कोषाध्यक्ष रेशम नेपालीले जनाएका छन् । कार्यक्रम राजपुर गाउँपालिकाको ८ वटै माध्यमिक विद्यालयमा सञ्चालन गरिएको थियो ।

जसमा प्रत्यक्ष रुपमा ७ देखि १२ कक्षासम्म अध्ययनरत ४ सय ५६ किशोरीहरुको उपस्थितिमा कार्यक्रम गरिएको संस्थाका अध्यक्ष बसन्त गिरीले बताए । कार्यक्रममा सहभागी भएका छात्राहरुलाई सम्मानपत्र तथा प्रमाणपत्र प्रदान गरिएको थियो ।

प्रकाशित मिति: सोमबार, जेठ १, २०८० २०:०२