वानएक्स बेटिङमा पक्राउ परेका कलाकारहरु धरौटीमा रिहा

सुरक्षा-अपराध

गृहपृष्ठ
सुरक्षा-अपराध
वानएक्स बेटिङमा पक्राउ परेका कलाकारहरु धरौटीमा रिहा

वानएक्स बेटिङमा पक्राउ परेका कलाकारहरु धरौटीमा रिहा

बुधबार, असार २७, २०८० बागेश्वरी पोस्ट

काठमाडौं । अनलाइन बेटिङ वानएक्सको वेबसाइटको प्रचार गरेको आरोपमा पक्राउ परेका कलाकारहरुलाई धरौटीमा रिहा गर्न अदालतले आदेश दिएको छ ।

पक्राउ परेका मरिचमान श्रेष्ठ (बल्छी धुर्वे), राजु पौडेल (राजु मास्टर), जलन घर्तीमगर, अलिश राई गणेश देवकोटा, बेगम नेपाली, रोशन खतिवडा र सरोज घिमिरेलाई जनही ५ हजार रुपैयाँ धरौटीमा छाड्न आज काठमाडौं जिल्ला अदालतले आदेश दिएको हो ।

अदालतको आदेश पश्चात जिल्ला प्रहरी परिसर काठमाडौंले कलाकारहरुलाई रिहा गरिसकेको जानकारी दिएको छ । उनीहरुले वेवसाइटको प्रचार गरेको कसुरमा विज्ञापन (नियमन गर्ने) ऐन २०७६ को दफा ५ को उपदफा २ (ढ) र दफा २५ को उपदफा १ बमोजिम कसुर गरेको अभियोग छ ।

उक्त अभियोग अनुसार उनीहरुलाई विज्ञापन नियमन ऐनकै दफा २५ को उपदफा २ अनुसार सजाय माग गरिएको छ । जसमा एक वर्षसम्म कैद र १० हजार रुपैयाँसम्म जरिवाना हुने व्यवस्था छ ।

सट्टेबाजी गराउने एजेन्ट भनिएका दिनेश खड्का र उनकी श्रीमती अनिता धिताललाई १० लाख रुपैयाँ धरौटी अदालतले मागेको छ । यो प्रकरणमा संलग्न कुशल पोखरेल फरार छन् ।

प्रकाशित मिति: बुधबार, असार २७, २०८० २१:३२