सातौं धारा नेपालगन्ज म्याराथन मंसिर ४ गते

खेलकुद

गृहपृष्ठ
खेलकुद
सातौं धारा नेपालगन्ज म्याराथन मंसिर ४ गते

सातौं धारा नेपालगन्ज म्याराथन मंसिर ४ गते

शनिबार, असोज २३, २०७८ बागेश्वरी पोस्ट

नेपालगञ्ज । नेपालगञ्ज म्याराथनको सातौं संस्करण मंसिर ४ गते हुने भएको छ । सरकार र तत्कालीन विद्रोही माओवादीबीच बृहत् शान्ति सम्झौता भएको दिन मंसिर ५ गतेलाई स्मरण गर्दै हरेक वर्ष मंसिरको पहिलो शनिवार हुँदै आएको म्याराथन यस वर्ष मंसिर ४ गते शनिबार हुने आयोजक क्रियटिभ ह्याण्ड्सले जनाएको छ । आज नेपालगन्जमा पत्रकार सम्मेलन मार्फत् यस वर्ष हुने सातौं धारा नेपालगन्ज म्याराथन प्रतियोगिताबारे जानकारी दिइएको हो ।

त्यस अवसरमा नेपालगञ्ज उपमहानगरपालिकाका उपमेयर उमा थापा मगर, केएल दुगड ग्रुपका महाप्रबन्धक प्रदिप छाजेड, शिखर प्लाईका निर्देशक प्रदिप दुगर, राष्ट्रिय वाणिज्य बैंकका प्रदेश प्रमुख दिनेश गौतम, फोन पेका शाखा प्रबन्धक महेन्द्र राना र आयोजक क्रियटिभ ह्याण्ड्सका टीएस ठकुरीले संयुक्तरुपमा नेपालगञ्ज म्याराथन डट कम वेबसाइटको शुभारम्भ पनि गरे ।

आजैदेखि खेलाडी दर्ता खुला गरिएको आयोजकले जनाएको छ । यस बर्षदेखि वेबसाइटमा गएर फर्म दर्ता गर्न सकिने र दर्ता शुल्क पनि भुक्तानी गर्न सकिने आयोजकले जानएको छ । प्रतियोगितामा दश वटा विधा समावेश गरिएको छ । पुरुषतर्फ म्याराथन (४२.१९५ किमी), महिलातर्फ हाफ म्याराथन, १० किमी पुरुष खुल्ला, ५ किमी महिला खुल्ला, ५ किमी स्कुलस्तरीय छात्र, ३ किमी स्कुलस्तरीय छात्रा, किड्स रन (८देखि १२ बर्ष उमेर समुह), २ किमी कर्पोरेट रन, एक किमी ट्राइसाइकल र वाकाथन समावेश गरिएको छ । यस वर्ष पुरस्कार राशीमा वृद्धि गरिने ठकुरीले बताएका छन् ।

प्रकाशित मिति: शनिबार, असोज २३, २०७८ १९:१५

प्रतिक्रिया दिनुहोस्