बाँकेमा स्थानीय सेवा कर्मचारी मञ्च गठन

समाचार

गृहपृष्ठ
समाचार
बाँकेमा स्थानीय सेवा कर्मचारी मञ्च गठन

बाँकेमा स्थानीय सेवा कर्मचारी मञ्च गठन

मंगलबार, भदौ ३०, २०७७ बागेश्वरी पोस्ट

नेपालगन्ज । बाँकेमा स्थानीय सेवा कर्मचारी मञ्चको जिल्ला तदर्थ समिति गठन गरिएको छ । ओमबहादुर राना क्षेत्रीको अध्यक्षतामा गठन गरिएको कार्यसमितिमा शिला गौतम उपाध्यक्ष, चन्दनराज दास सचिव, केशव बुढा सहसचिव र भरत महतो कोषाध्यक्ष रहनुभएको छ । त्यस्तै सदस्यहरुमा सुरेन्द्र प्रसाद पन्त, नवीन सुवेदी, सुभाष पौडेल, प्रकाश पन्थी, निर्मल रेग्मी, ललित कुमार यादव, हेमन्त पौडेल, राममणि बस्नेत, सुरेश बोहोरा, सुलोचना के.सी. र विजयकुमार यादव चयन हुनुभएको छ । यस्तै कार्यसमितिको पहिलो बैठकबाट बाँके जिल्लामा स्थानीय तदर्थ कार्यसमिति अर्को शुक्रबारसम्म गठन गर्ने, आधिकारिक ट्रेड युनियनको निर्वाचनका सम्बन्धमा स्थानीय तहमा कार्यरत कर्मचारीलाई मताधिकारबाट बञ्चित गरेकोमा त्यसको घोर आपत्ति गर्दै निर्णयको भर्त्सना गर्नुका साथै निर्णय खारेजीको माग गर्ने र स्थानीय तह कर्मचारी हकहित मञ्चका नामबाट उठाइएका मागहरू अनुमोदन गर्दै सम्बोधनका लागि कटिबद्धताका साथ मन वचन र कर्मले लाग्ने निर्णय गरिएको कोषाध्यक्ष महतोले जानकारी दिनुभयो ।

प्रकाशित मिति: मंगलबार, भदौ ३०, २०७७ २२:१०