तालिम लिएकालाई उद्यम गर्ने सामग्री हस्तान्तरण

समाचार

गृहपृष्ठ
समाचार
तालिम लिएकालाई उद्यम गर्ने सामग्री हस्तान्तरण

तालिम लिएकालाई उद्यम गर्ने सामग्री हस्तान्तरण

बुधबार, माघ ७, २०७७ बागेश्वरी पोस्ट

तालिम लिएकालाई उद्यम गर्ने सामग्री हस्तान्तरण

बर्दिया । गेरुवा ग्रामिण जागरण संघ बर्दियाले सञ्चालन गरेका भूकम्प प्रतिरोधी संरचना निर्माण गर्ने डकर्मी तालिम र बेमौसमी तरकारी खेतीका टनेल बनाउने तालिमका १०/१० जना सहभागीहरुलाई तालिममा सिकेका ज्ञान तथा सीप व्यवहारमा प्रयोग गरी उद्यमी बन्न आवश्यक सामग्री हस्तान्तरण गरेको छ ।

राजापुरमा दुबै तालिमको समापन गर्दै राजापुर नगरपालिकाका प्रमुख शिवप्रसाद चौधरी, उपप्रमुख मनकला कुमारी चौधरी र यूएसएडतयार नेपालका प्रतिनिधिरुले ती सामग्रीहरु वितरण गर्नुभएको हो । ८ लाख ७१ हजार २२ रुपैयाँको सामग्री पाएकाहरुमध्ये भूकम्प प्रतिरोधी संरचना निर्माण गर्ने डकर्मी तालिम लिएकाले प्रति व्यक्ति १७ हजार बराबर र बेमौसमी तरकारी खेतीका टनेल बनाउने तालिम लिएकाले प्रति व्यक्ति ६१ हजार बराबरको सामग्री बुझेको संस्थाका अध्यक्ष कृष्णजंग शाहले जानकारी दिनुभयो ।

सामग्री हस्तान्तरणका अवसरमा राजापुर नगरपालिकाका प्रमुख चौधरीले तालिमप्राप्त हरेक सहभागीलाई आफूले सिकेको सीप अनुसार उद्यम गर्न आग्रह गर्नुभयो । छिट्टै शुरु नगरिए सिकेका कुरा विर्सिने र सामग्री पनि प्रयोगविहिन हुने भएकाले पालिका र वडाले उद्यम शुर गरे नगरेको अनुगमन गर्ने पनि बताउनुभयो ।

कार्यक्रममा गेरुवा ग्रामीण जागरण संघका अध्यक्ष शाहले परियोजनाले देखाएको बाटो र सिकाएको सीप प्रयोग गरेमा तालिम लिएका सबै आत्मनिर्भर बन्न सक्ने भन्दै सहभागीहरुलाई उत्प्रेरित गर्नुभयो ।

प्रकाशित मिति: बुधबार, माघ ७, २०७७ १२:२२

प्रतिक्रिया दिनुहोस्