पिपरी बजार क्षेत्रमा बले सडक वत्ती

स्थानीय

गृहपृष्ठ
स्थानीय
पिपरी बजार क्षेत्रमा बले सडक वत्ती

पिपरी बजार क्षेत्रमा बले सडक वत्ती

शनिबार, कात्तिक ५, २०७९ बागेश्वरी पोस्ट

नेपालगन्ज । कोहलपुर नगरपालिकाको उज्ज्यालो कोहलपुर अभियान अन्तर्गत पिपरी बजार क्षेत्रमा सडक वत्ती जडान गरिएको छ ।

कोहलपुर नेपालगन्ज सडकखण्ड अन्तर्गत वडा नं. ८ पिपरी बजार क्षेत्रका सडकमा वत्ती जडान गरिएको हो । कोहलपुर नगरपालिका वडा नं. ८ का वडा अध्यक्ष लालबहादुर रानाका अनुसार १८ वटा सडक वत्ती जडान गरिएको छ ।

‘नगरपालिकाको उज्ज्यालो कोहलपुर बनाउने अभियान अनुसार नै सडक वत्ती जडान भएको हो,' वडाअध्यक्ष रानाले भने–‘यसले एकातिर बजार क्षेत्रलाई उज्ज्यालो बनाउने काम गरेको छ भने अर्कोतर्फ आकर्षण पनि थपेको छ ।’

कोहलपुर नगरपालिकाले यसअघि पहिलो चरणमा चौराहदेखि गोल्छासम्म सडक वत्ती जडान गरिसकेको छ । सडक वत्ती जडानपछि रात्रीकालीन यात्रामा समेत सहज हुने अपेक्षा गरिएको छ ।

उज्ज्यालो कोहलपुर अभियान अन्तर्गत दोस्रो चरणमा पिपरी बजार क्षेत्रमा सडक वत्ती जडान गरिएको नगरपालिकाका प्रमुख पूर्ण प्रसाद आचार्यले जानकारी दिए ।

प्रकाशित मिति: शनिबार, कात्तिक ५, २०७९ २०:३६

प्रतिक्रिया दिनुहोस्