मुख्यमन्त्री डोरमणि पौडेलले सदनमा दिएको अभिव्यक्ति हटाउन माग

राजनीति

गृहपृष्ठ
राजनीति
मुख्यमन्त्री डोरमणि पौडेलले सदनमा दिएको अभिव्यक्ति हटाउन माग

मुख्यमन्त्री डोरमणि पौडेलले सदनमा दिएको अभिव्यक्ति हटाउन माग

सोमबार, पुस २८, २०७६ बागेश्वरी पोस्ट

काठमाडौं । बाग्मती प्रदेशका मुख्यमन्त्रीले सदनमा दिएको अभिव्यक्तिको अभिलेखलाई हटाउन माग गरिएको छ। मुख्यमन्त्री डोरमणि पौडेलले आइतबार सदनमा दिएको अभिव्यक्ति गैरसंवैधानिक भएको विवेकशील नेपाली दलले बताएको छ।

प्रदेश राजधानी प्रस्ताव छलफल हुने क्रममा उठेको प्रश्नको जवाफ दिँदै गर्दा विवेकशील संसदीय दलका नेता रमेश पौड्यालको मन्तव्यप्रति मुख्यमन्त्री पौडेलले दिएको अभिव्यक्ति संसदीय अभ्यासको मर्मविपरीत रहेको विवेकशीलद्वारा जारी विज्ञप्तिमा उल्लेख छ।

‘मुख्यमन्त्रीले अभिव्यक्तिमा सम्मानित सर्वोच्च अदालतमा विचाराधीन विषयलाई संसदमा प्रवेश गराउनु गैरसंवैधानिक र व्यक्तिगत द्वेष राखी सांसद नै नरहन सक्नुसम्मको धम्कीपूर्ण भाषाको प्रयोग गैरसंसदीय भएकाले मुख्यमन्त्रीको उक्त वक्तव्यप्रति खेद प्रकट गर्दै उक्त अभिव्यक्तिको घोर भर्त्सना गर्दछौं,’ विवेकशीलकी उपाध्यक्ष अजिता राईले निकालेको विज्ञप्तिमा भनिएको छ।

विवेकशीलले मुख्यमन्त्रीले दिएको अभिव्यक्ति संसदको अभिलेखबाट हटाउन पनि माग गरेको छ।मुख्यमन्त्रीमा दलीय दम्भसमेत देखिएको विवेकशील पार्टीको आरोप छ। ‘मेरो सचिवालयले गरेको निर्णयको विरोध गर्ने हैसियत कसले राख्न सक्छ यहाँ ?’ भन्ने मुख्यमन्त्रीको अभिव्यक्तिमा दलीय दम्भ छचल्किएको छ,’ विवेकशीलले बिज्ञप्ति भनिएको छ।

प्रकाशित मिति: सोमबार, पुस २८, २०७६ १४:५५

प्रतिक्रिया दिनुहोस्