सडकपेटी खाली गराउन डोजर लिएर सडकमा नगर प्रमुख विष्ट

स्थानीय

गृहपृष्ठ
स्थानीय
सडकपेटी खाली गराउन डोजर लिएर सडकमा नगर प्रमुख विष्ट

सडकपेटी खाली गराउन डोजर लिएर सडकमा नगर प्रमुख विष्ट

शुक्रबार, मंसिर ९, २०७९ बागेश्वरी पोस्ट

नेपालगञ्ज । नेपालगञ्जको सडकपेटी खाली गराउन सुरु गरिएको छ । सडकपेटी अतिक्रमण गरी पसल व्यवसाय गरेकाहरुलाई हटाउन थालिएको हो ।

नेपालगञ्ज उपमहानगरपालिकाका नगर प्रमुख प्रशान्त विष्ट सडकपेटी खाली गराउन डोजर लिएर बजारमा निस्किएका छन् ।सडकपेटी अतिक्रमण गरेर संरचना निर्माण गर्ने, पसल व्यापार चलाउने काम भएपछि त्यस्ता संरचना हटाउन थालिएको हो ।नेपालगञ्जको विपी चोकबाट सडकपेटी खाली गराउन थालिएको हो । नेपालगञ्ज उपमहानगरपालिकालाई व्यवस्थित शहरका रुपमा विकास गर्नका लागि यो अभियान सुरु गरिएको बिष्टले बताए ।

No description available.

उनले सडकपेटी कब्जा गरी बजार व्यवसाय सञ्चालन गर्दा सर्वसाधारण नागरिकलाई हिँड्डुल गर्न गार्‍हो भएपछि त्यसलाई क्लियर गर्ने काम सुरु गरिएको बताए । बजारलाई सुन्दर र व्यवस्थित बनाउन अतिक्रमण हटाउन थालिएको नगर प्रमुख विष्टका भनाई छ ।बजार क्षेत्रमा नालामाथि पनि अतिक्रमण गरिएको पाइएको छ । नेपालगञ्ज उपमहानगरपालिकाले सडकपेटी खाली गर्न केही महिना अघिदेखि नै माइकिंग गरेर जानकारी गराउँदै आएको छ ।

No description available.