मक्कामा उम्राका लागि जाने मुस्लिमहरुलाई बिदाई

स्थानीय

गृहपृष्ठ
स्थानीय
मक्कामा उम्राका लागि जाने मुस्लिमहरुलाई बिदाई

मक्कामा उम्राका लागि जाने मुस्लिमहरुलाई बिदाई

आइतबार, मंसिर ११, २०७९ बागेश्वरी पोस्ट

नेपालगञ्ज । इस्लाम धर्मालम्वीहरुको प्रमुख तीर्थस्थल साउदी अरेबियाको मक्कामा उम्राका लागि जाने मुस्लिमहरुलाई नेपालगञ्जबाट औपचारिकरुपमा आज बिदाई गरिएको छ ।

नरैनापुर गाँउपालिका अध्यक्ष इश्तियाक अहमद शाहले उम्राका लागि जाने मुस्लिमहरुलाई नेपालगञ्ज विमानस्थलबाट बिदाई गरेका थिए । उम्राका लागि जान लागेका तिर्थयात्रीहरुलाई बिदाई गर्दै अध्यक्ष शाहले देशको समृद्धि, शान्ति र एकताका लागि समेत प्राथना गर्न आग्रह गरेका थिए ।

उम्रा गरेपछि मनोकामना पूरा हुने, मृत्युपछि बैकुण्ठ (जन्नत)मा बास हुने विश्वास गरिन्छ । त्यस्तै हर्ज तथा उम्रामा जानेले परिवारको सुख, शान्ति तथा समृद्धिको मनोकामना समेत गर्ने र त्यो प्राप्त हुने विश्वास रहेको छ ।

संविधानसभा सदस्य हाजी अब्दुल हमिद सिद्धिकी, जामा मस्जिदका पूर्व अध्यक्ष अब्दुल रहमान मियाँ लगायतका व्यक्तिहरु नेपालगञ्ज बिमानस्थलमा पुगेर बिदाई गरेका थिए । उनीहरु साउदीको मक्का र मदिनामा करिब २० दिन उम्रा गर्नेछन् ।

प्रकाशित मिति: आइतबार, मंसिर ११, २०७९ १५:३०

प्रतिक्रिया दिनुहोस्