विद्युत सेवा प्रवाहमा संवाद

स्थानीय

गृहपृष्ठ
स्थानीय
विद्युत सेवा प्रवाहमा संवाद

विद्युत सेवा प्रवाहमा संवाद

मंगलबार, मंसिर १३, २०७९ बागेश्वरी पोस्ट

नेपालगञ्ज । बाँके नरैनापुर क्षेत्रको विद्युत समस्याबारे चासो राख्दै संवाद समूह बाँकेले आवश्यक पहल गरेको छ ।

विद्युत विस्तारीकरणमा यसअघि संवाद सहजीकरण गरेको संवाद समूहले आज नेपाल विद्युत प्राधिकरण नेपालगञ्ज वितरण केन्द्रसँग विद्युत सेवा प्रवाहबारे पहलकदमी लिएको हो ।

नरैनापुर– ५ मटेहियामा रहेको विद्युत नो लाइटमा दक्ष र मिटर रिडिङ कर्मचारीको अभाव, समयमै र नियमित विद्युत महशुल बुझाउन नपाएको र एकमुष्ट जरिवाना असुली हुने गरेको लगायतका समस्या देखिएपछि समूहको टोलीले नेपालगञ्ज वितरण केन्द्रका प्रमुख दिवाकर प्याकुरेलको ध्यानाकर्षण गराएको हो ।

विद्युत महसुल एक दिन मात्रै लिने गरेकोमा अब दुई दिन लिने बातावरण बनाइने प्रतिवद्धता व्यक्त गर्दै प्रमुख प्याकुरेलले कर्मचारीको अभाव परपूर्ति गर्ने र नियमित मिटर रिडिङ गर्ने व्यवस्था मिलाउने विश्वास दिलाए ।

टोलीमा समूहका सहजकर्ता शुक्रऋषि चौलागाई, सह-संयोजक अञ्जली थापा, सदस्यद्वय लक्ष्मी तिवारी र मकबुल मुकेरी लगायतको सहभागिता रहेको थियो ।

प्रकाशित मिति: मंगलबार, मंसिर १३, २०७९ १५:३४

प्रतिक्रिया दिनुहोस्