टिकटक प्रतियोगिताका विजेताहरू पुरस्कृत

स्थानीय

गृहपृष्ठ
स्थानीय
टिकटक प्रतियोगिताका विजेताहरू पुरस्कृत

टिकटक प्रतियोगिताका विजेताहरू पुरस्कृत

बिहीबार, मंसिर १५, २०७९ बागेश्वरी पोस्ट

नेपालगन्ज । दाङ-३ मा संयुक्त गठबन्धनको तर्फबाट उम्मेदवारी दिएका उम्मेवारहरुको पक्षमा टिकटक बनाउन आयोजित प्रतियोगिताको निर्णायक समितिले विजेताहरुको नाम घोषणा गरे पश्चात् आज पुरस्कार तथा प्रमाण वितरण गरिएको छ ।

प्रतियोगितामा झग्गु भण्डारी (प्रथम), कमला बासु (द्वितीय) र रिता गिरी (तृतीय) भएका थिए । प्रथम हुने विजेतालाई रू. ३० हजार र प्रमाणपत्र, द्वितीय हुने विजेतालाई रू. २० हजार र प्रमाणपत्र र तृतीय हुने विजेतालाई रू. १० हजार र प्रमाणपत्र वितरण गरिएको छ ।

नेपाली कांग्रेस केन्द्रीय सदस्य तथा पूर्व मन्त्री दीपक गिरीको प्रमुख आतिथ्यता र नेपाली कांग्रेस तुलसीपुर नगर समितिका सभापति सुरेश हमालको सभापतित्वमा भएको कार्यक्रममा प्रमुख अतिथि गिरीले पुरस्कार वितरण गरेका थिए । मंसिर ४ गते सम्पन्न प्रतिनिधिसभा सदस्य र प्रदेशसभा सदस्यको निर्वाचनमा दाङ निर्वाचन क्षेत्र नं-३ का प्रतिनिधिसभा सदस्य दीपक गिरी तथा प्रदेशसभा सदस्यका उम्मेदवाहरू डिल्लीबहादुर चौधरी ३(१) र धनबहादुर मास्की ३(२) लाई विजयी बनाउन प्रचारप्रसारको लागि टिकटक प्रतियोगिता आयोजना गरिएको थियो ।

टिकटक प्रतियोगिताको पुरस्कारको राशी नेपाली जनसम्पर्क समिति क्यानडाका अध्यक्ष बुद्धिप्रकाश वलीले व्यक्तिगतरूपमा व्यवस्था गरेका थिए ।

प्रकाशित मिति: बिहीबार, मंसिर १५, २०७९ १५:४८

प्रतिक्रिया दिनुहोस्