स्वास्थ्य संस्थामा उपप्रमुख राईको छड्के

स्थानीय

गृहपृष्ठ
स्थानीय
स्वास्थ्य संस्थामा उपप्रमुख राईको छड्के

स्वास्थ्य संस्थामा उपप्रमुख राईको छड्के

आइतबार, मंसिर १८, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिकाले नगरमा संचालित केही स्वास्थ्य संस्था र आयुर्वेद औषधालयहरुको छड्के अनुगमन गरेको छ ।

नगर उपप्रमुख कमरुद्दिन राईको नेतृत्वमा नेपालगन्ज उपमहानगरपालिका १४, १६ र १७ नम्बर वडाका स्वास्थ्य संस्था र आयुर्वेद औषधालयहरुको छड्के अनुगमन गरिएको नगर उपप्रमुखका स्वकीय सचिव अर्विन्द शर्माले जानकारी दिए ।

त्यसक्रममा वडा नम्बर १६ का जयसपुर आयुर्वेद औषधालयका कर्मचारी बिन्देश्वर शाह एक हप्तादेखि गयल देखिएको भेटिएको छ । शाह बिना जानकारी गयल देखिएको अनुगमन टोलीले फेला पारेको हो ।

त्यसक्रममा उपप्रमुख राईले स्वास्थ्य सेवालाई प्रभावकारी र बिरामीमैत्री बनाउन निर्देशन दिएका थिए । उनले कार्यालय समयमा नभेटिने कर्मचारीलाई कारबाहीको दायरामा ल्याउने चेतावनी पनि दिएका छन् ।

प्रकाशित मिति: आइतबार, मंसिर १८, २०७९ २०:४९

प्रतिक्रिया दिनुहोस्