मुख्यमन्त्री केसी र अर्थमन्त्री खड्कासंग नरैनापुरका अध्यक्ष शाहको भेट

स्थानीय

गृहपृष्ठ
स्थानीय
मुख्यमन्त्री केसी र अर्थमन्त्री खड्कासंग नरैनापुरका अध्यक्ष शाहको भेट

मुख्यमन्त्री केसी र अर्थमन्त्री खड्कासंग नरैनापुरका अध्यक्ष शाहको भेट

मटेहियादेखि सोनबर्षाको सडक निर्माणका लागि बजेट दिने प्रतिबद्धता

बुधबार, मंसिर २१, २०७९ बागेश्वरी पोस्ट

नेपालगञ्ज । बाँकेको नरैनापुर गाउँपालिकाका अध्यक्ष इस्तियाक अहमद शाहले लुम्बिनी प्रदेशका मुख्यमन्त्री कुलप्रसाद केसी र अर्थ सहकारी मन्त्री कृष्णध्वज खड्कासंग भेटवार्ता गरेका छन् ।

मुख्यमन्त्री कार्यालय भालुवाङमा भएको भेटमा नरैनापुर गाउँपालिकाको विकास, सुशासन, सेवा प्रवाह र सन्तानेश्वर मन्दिरको विषयमा छलफल भएको थियो । भेटमा मुख्यमन्त्री केसीले नरैनापुर गाउँपालिकाको विकासका लागि नयाँ सरकार गठन पूर्व नै केही महत्वपूर्ण योजना सुरु गर्ने प्रतिबद्धता व्यक्त गरेका थिए ।

यसैगरी अर्थमन्त्री खड्काले अध्यक्ष शाहसंगको भेटमा नरैनापुर सबैभन्दा पछाडि परेको पालिका भएकोले नरैनापुरमा शिक्षा, स्वास्थ्य र यातायातका लागि सरकारले विशेष प्याकेज ल्याउन जरुरी रहेको बताएका थिए ।

नरैनापुर गाउँपालिका अध्यक्ष शाहले अर्थमन्त्री खड्कासंग हुलाकी सडकदेखि रोसनपूर्वा सम्मको सडक र मटेहियादेखि सोनबर्षासम्मको सडक निर्माणका लागि बजेट माग गरेका थिए ।

अर्थमन्त्री खड्काले तत्काल दुई सडक मध्ये एक सडक निर्माणका लागि बजेट दिने अश्वासन दिएका थिए । मन्त्री खड्काले मन्त्रालयका सचिव नेत्र सुबेदीलाई नरैनापुरको सडक निमार्णका लागि माग भएको रकम व्यवस्थापन गर्न निर्देशन दिएसंगै सचिव सुबेदीले मटेहियादेखि सोनबर्षासम्मको सडक निर्माणका लागि चाहिने बजेट एक साताभित्रै पठाउने बताएका थिए ।

अध्यक्ष शाहसंगै मन्त्रीलाई भेट्न बाँके क्षेत्र नं= १ -१_ बाट निर्वाचित प्रदेशसभा सदस्य कृष्णा केसी नमुना, नरैनापुरका लेखापाल प्रकाश अधिकारी लगायतको उपस्थिति रहेको थियो ।

प्रकाशित मिति: बुधबार, मंसिर २१, २०७९ १८:५५

प्रतिक्रिया दिनुहोस्