आदर्श युवा समूहको साधारणसभा सम्पन्न

स्थानीय

गृहपृष्ठ
स्थानीय
आदर्श युवा समूहको साधारणसभा सम्पन्न

आदर्श युवा समूहको साधारणसभा सम्पन्न

शनिबार, मंसिर २४, २०७९ बागेश्वरी पोस्ट

नेपालगञ्ज । आदर्श युवा बचत समूहले आफ्नो प्रथम बार्षिक साधारण सभा सम्पन्न गरेको छ । बाँकेको खजुरामा क्रियाशील युवाहरुको समूहले एक समारोहको आयोजना गरी साधारणसभा सम्पन्न गरेको हो ।

समूहका अध्यक्ष देवबहादुर कुँवरको अध्यक्षतामा सम्पन्न साधारणसभामा खजुरा गाउँपालिका वडा नम्बर ४ का वडाध्यक्ष टेक बहादुर रोका क्षेत्रीले खजुरामा आदर्श युवा समूहले सामाजिक कार्यमा महत्वपूर्ण कार्य गरेको बताए । साधारणसभाका प्रमुख अतिथि समेत रहेका वडाध्यक्ष रोका क्षेत्रीले युवाहरुको प्रेरणाको स्रोत समूह बन्न सफल रहेको भन्दै यसको निरन्तरताको लागि सम्पूर्ण सदस्यहरु एकजुट हुनुपर्नेमा जोड दिए ।

No description available.

कार्यक्रममा मिलिजुली स्वाबलम्बन कृषक बहुउद्देश्यीय सहकारी संस्था लिमिटेडका अध्यक्ष खडक वलीले खजुरामा युवा अभियानलाई आदर्श युवा बचत समूहले सार्थकता दिएको बताए । सामाजिक कार्यमा क्रियाशील रहेको समूहले युवालाई सही मार्गमा हिँड्न प्रेरित गरेको उल्लेख गरे । नेपाल रेडक्रस सोसाइटी बागेश्वरी उपशाखा खजुराका सचिव अर्जुन थापाले समूहका गतिविधिलाई नियाल्दै आएको र समाजमा एक उदाहरणीय समूहका रुपमा चिनिने गरेकोले पनि गौरवको महसुस हुने गरेको बताए ।

साधारणसभामा समूहले रेडक्रसको बागेश्वरी शाखालाई एक नम्बर बजारका लागि डष्टविन प्रदान समेत गरेको थियो । समूहले साधारणसभामै खजुरामा रहेका एक प्यारालाइसिस विरामी पुजा मल्ल वलीको उपचारमा सहयोग होस् भन्ने उद्देश्यले १० हजार रुपैयाँ सहयोग समेत हस्तान्तरण गरेको थियो । समूहले बार्षिक कार्ययोजना पनि साभारणसभामा प्रस्तुत गरेको समूहका सचिव सुवास निरौलालले जानकारी दिए ।

साधारणसभामा समूहका सचिव निरौलाले प्रगति प्रतिवेदन प्रस्तुत गरेका थिए भने कोषाध्यक्ष होम दाहालले आर्थिक प्रतिवेदन प्रस्तुत गरेका थिए । समूहमा हाल ३५ जना युवाहरु आवद्ध रहेका छन् । हरेक महिनाको प्रथम शनिबार एक हजारका दरले समूहका सदस्यहरुले बचत समेत गर्दै आइरहेका छन् ।

प्रकाशित मिति: शनिबार, मंसिर २४, २०७९ २०:५९

प्रतिक्रिया दिनुहोस्