पत्रकारमाथिको धम्की र दुब्र्यवहारको महासंघद्वारा निन्दा

स्थानीय

गृहपृष्ठ
स्थानीय
पत्रकारमाथिको धम्की र दुब्र्यवहारको महासंघद्वारा निन्दा

पत्रकारमाथिको धम्की र दुब्र्यवहारको महासंघद्वारा निन्दा

आइतबार, मंसिर २५, २०७९ बागेश्वरी पोस्ट

नेपालगञ्ज । नेपाल पत्रकार महासंघ बाँके शाखाले पत्रकारहरुमाथि भएको दुब्र्यवहार र आक्रमणकोे धम्कीप्रति आफ्नो गम्भीर ध्यानाकर्षण भएको जनाएको छ ।

महासंघले आज एक विज्ञप्ती निकालेर शाखाका सहसचिव एवम् राप्तीसोनारी खबर डटकम अनलाइनका सम्पादक हेमन्त चौधरीलाई सिक्टा सबडिभिजन वन कार्यालयका प्रमुख सुनिल आचार्यले सार्वजनिकरुपमा दुर्व्यवहार र भौतिक आक्रमणको धम्की दिएको घटनाप्रति पत्रकार महासंघले गम्भीर ध्यानार्कषण भएको जनाएको हो ।

राप्तीसोनारी गाउँपालिका वडा नम्बर ४ स्थित जानकी सामुदायिक वन उपभोक्ता समितिको भवन परिसरमा शनिबार आयोजित साधारणसभामा उपस्थित सहायक वन अधिकृत आचार्यले समाचारको बिषय उठाएर 'ठीक गरिदिने' धम्की दिएको पीडित पत्रकार चौधरीले महासंघसमक्ष जानकारी दिएको विज्ञप्तीमा उल्लेख गरिएको छ । उक्त घटनाको भत्सर्ना र निन्दा गरिएको छ ।

May be an image of text निर्वाध र भयरहित वातावरणमा समाचार संकलन गर्न पाउने संबैधानिक अधिकारको सुनिश्चितता गर्न र गराउन सम्बन्धित निकायसँग विज्ञप्तीमार्फत माग गरिएको छ । विज्ञप्तीमा भनिएको छ- ‘समाचारको बिषयमा चित्त नबुझे वा कुनै फरक मत रहे कानूनी उपचारमा जाने बिकल्प हुँदाहुँदै जिम्मेवार सरकारी अधिकारीबाट पत्रकार चौधरीमाथि भएको दुर्व्यवहार एवं भौतिक आक्रमणको धम्कीको नेपाल पत्रकार महासंघ बाँके शाखा निन्दा एवं भत्र्सना गर्दछ ।’ सचिव कमल डाँगीद्वारा हस्ताक्षरित विज्ञप्तीमा घटनामा संलग्न आचार्यलाई कानुनी कारबाहीको माग गरिएको छ ।

यस्तै मंसिर २४ गते शनिबार नेपालगन्जमा सम्पन्न ‘नेपालगन्ज म्याराथन’ को समाचार संकलन गर्न गएका पत्रकारलाई दुर्व्यवहार भएको घटनाप्रति पनि महासंघ बाँकेले गम्भीर ध्यानार्कषण भएको जनाएको छ । उक्त घटनालाई लिएर महासंघको सहजीकरणमा आज सम्बद्ध पक्षबीच छलफल गरिएको विज्ञप्तीमा उल्लेख गरिएको छ ।

छलफलमा आयोजक क्रियटिभ ह्याण्ड्सका अध्यक्ष टिएस ठकुरीले ‘पत्रकारमाथि दुर्व्यवहार गर्ने नियत नभई परिस्थितिजन्य घटना भएको’ भन्दै घटनाप्रति आयोजकका तर्फबाट आत्मआलोचना सहित क्षमायाचना गरेको र महासंघ बाँकेले आगामी दिनमा त्यस्ता घटनाहरु पुनरावृत्ति नहुने वातावरण निर्माण गर्न सम्बद्ध सबै पक्षसँग माग गरेको विज्ञप्तीमा उल्लेख गरिएको छ ।

प्रकाशित मिति: आइतबार, मंसिर २५, २०७९ २०:३४

प्रतिक्रिया दिनुहोस्