बाल सुधार गृह जग्गादाताको शालिक अनावरण

स्थानीय

गृहपृष्ठ
स्थानीय
बाल सुधार गृह जग्गादाताको शालिक अनावरण

बाल सुधार गृह जग्गादाताको शालिक अनावरण

मंगलबार, मंसिर २७, २०७९ बागेश्वरी पोस्ट

नेपालगञ्ज । बाँकेको डुडुवा– ६ स्थित जयेन्दु बाल सुधार गृह निर्माणमा जग्गादान गरेका जैकेश सिंहका पीता माताको शालिक आज अनावरण गरिएको छ ।

सिंहले पिता स्व. तप्त बहादुर सिंह र माता हेमरानी सिंहको स्वामित्वमा रहेको ४ विघा दुई कठ्ठा जग्गा बालगृह निर्माणका लागि २०६७ मा सरकारलाई दान गरेका थिए । महिला, बालबालिका तथा जेष्ठ नागरिक मन्त्री उमा रेग्मीले आज एक समारोहबीच स्व. सिंह दम्पत्तीको शालिकको अनावरण गरेकी हुन् ।

सम्मान स्वरुप नेपाल सरकारले सुधार गृह परिसरमा दानवीर सिंह दम्पतीको अर्धकदको शालिक निर्माण गरेको थियो । महिला, बालबालिका तथा जेष्ठ नागरिक मन्त्री रेग्मीले सिंह परिवारको जग्गादानले बालगृह निर्माण गर्न अहम् योगदान मिलेको भन्दै परिवार र सरकारको परिकल्पना साकार हुँदै गएको बताइन् । भवन, नामाकरण, शालिक निर्माण लगायत मन्त्रालयसँगका सहमति पूरा गरिएको भन्दै उनले अब सुधार गृहको प्रभावकारी सञ्चालनमा ध्यान दिन आग्रह गरिन् । मन्त्री रेग्मीले बालबालिकाको शिक्षा र सीप दक्षतालाई सँगसँगै बढाउने खालका कार्यक्रम ल्याइने पनि विश्वास दिलाइन् ।

महिला, बालबालिका तथा जेष्ठ नागरिक मन्त्रालय अन्तर्गत विभाग महानिर्देशक कृष्णप्रसाद पराजुलीको सभापतित्वमा भएको कार्यक्रममा विभाग निर्देशक निरा अधिकारी, यूनिसेफ नेपालका निर्देशक केशव सुवाल, दानवीर सिंह, बाँकेका प्रमुख जिल्ला अधिकारी सूर्य बहादुर खत्री लगायतले सुधार गृहको व्यवस्थापन र बालकहरुको भविष्य निर्माणबारे बोलेका थिए । २ सय २९ जना बालक आश्रित सुधार गृहको मन्त्री लगायतको टोलीले अवालोकन समेत गरेको थियो ।

प्रकाशित मिति: मंगलबार, मंसिर २७, २०७९ २०:०५

प्रतिक्रिया दिनुहोस्