पैसाको लोभले ९० वर्षीया पुतुवारको हत्या, शिवभक्ति पक्राउ

सुरक्षा-अपराध

गृहपृष्ठ
सुरक्षा-अपराध
पैसाको लोभले ९० वर्षीया पुतुवारको हत्या, शिवभक्ति पक्राउ

पैसाको लोभले ९० वर्षीया पुतुवारको हत्या, शिवभक्ति पक्राउ

शुक्रबार, पुस १, २०७९ बागेश्वरी पोस्ट

फाइल फोटो

नेपालगन्ज । ९० वर्षीया महिलाको हत्या गरेको अभियोगमा काठमाडौंबाट एक जना पक्राउ परेका छन् ।

पैसाको लोभले ९० वर्षीया महिलाको हत्या गर्ने तारकेश्वर नगरपालिका–६ का ३९ वर्षीय नरेन्द्र शिवभक्तिलाई काठमाडौं उपत्यका अपराध अनुसन्धान कार्यालय मिनभवनले पक्राउ गरेको छ । शिवभक्तिले बिहीबार ९० वर्षीया डिल्ली पुतुवारको हत्या गरेको अभियोगमा प्रहरीले पक्राउ गरेको हो ।

तारकेश्वर नगरपालिका ३ पारीवनपाखा सामुदायिक वनको खोल्सामा २२ मंसिरमा डिल्ली पुतुवारको शंकास्पद अवस्थामा शव फेला परेको घटनाको अनुसन्धानको क्रममा नरेन्द्रको संलग्नता देखिएपछि काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनलाई पक्राउ गरेको हो ।

राहत दिइरहेको ठाउँ चिसापानी चप्पल कारखानातर्फ लैजाने क्रममा नरेन्द्रले महिलाको साथमा रहेको पैसा लिने मनसायले उनलाई ढुंगाले हिर्काई हत्या गरेर साथमा रहेको करिब ५० हजार रुपैयाँ नगद लिएर शव खोल्सामा लुकाई घर फर्केको खुल्न आएको छ । पक्राउ परेका शिवभक्तिलाई हिरासतमा लिएर थप अनुसन्धान भइरहेको प्रहरीले जानकारी दिएको छ ।

प्रकाशित मिति: शुक्रबार, पुस १, २०७९ १९:११