अपांगताको सवालमा जनप्रतिनिधि र कर्मचारीलाई संवेदनशिल बनाउने प्रयास

स्थानीय

गृहपृष्ठ
स्थानीय
अपांगताको सवालमा जनप्रतिनिधि र कर्मचारीलाई संवेदनशिल बनाउने प्रयास

अपांगताको सवालमा जनप्रतिनिधि र कर्मचारीलाई संवेदनशिल बनाउने प्रयास

आइतबार, पुस ३, २०७९ बागेश्वरी पोस्ट

नेपालगञ्ज । अपांगता भएका ब्यक्तिहरुको सवालमा जनप्रतिनिधि तथा कर्मचारीहरुलाई संवेदनशिल बनाउन थालिएको छ । नीति निर्माण तहमा अर्थपूर्ण सहभागितादेखि उनीहरुले प्राप्त गर्ने सेवा, अधिकार र पहुँचका सवालमा जनप्रतिनिधि र कर्मचारीहरुलाई संवेदनशिल बनाउने प्रयास थालिएको हो ।

डेक नेपालको आयोजना तथा सिबिएम ग्लोबलको सहयोगमा कोहलपुर नगरपालिकाका नगर प्रमुख, उपप्रमुख, वडा अध्यक्ष, कार्यपालिका सदस्य तथा विभिन्न शाखाका प्रमुखहरुलाई बाँकेको गाभरमा बोलाएर दुई दिनसम्म उनीहरुलाई अपांगताको मुद्दामा संवेदनशिल बनाउने काम गरिएको डेक नेपालका कार्यक्रम प्रबन्धक जीवन गिरीले जानकारी दिए ।

समुदायमा आधारित समावेशी विकास तथा अपांगता समावेशी विकास सम्बन्धि दुई दिने गोष्ठी नाम दिएर आयोजना गरिएको कार्यक्रममा जनप्रतिनिधि तथा कर्मचारीहरुलाई अपांगता भएका ब्यक्तिहरुलाई सहज, सरल र कसरी प्राथमिकता दिएर सेवा प्रवाह गर्न सकिन्छ भन्ने कुराको जानकारी प्रदान गरिएको थियो ।

निकै अनौपचारिक र उदाहरणसहित निर्मल भण्डारीले सहजीकरण गरेको कार्यक्रममा कोहलपुर नगरपालिकाका प्रमुख प्रशासकीय अधिकृत टीकाराम ढकालले अपांगता भएका ब्यक्तिहरुको सवालमा सबै संबेदनशिल र जिम्मेवार भएपनि बनेका नीतिगत कुराहरु कार्यान्वयन भने हुन नसकेको बताए ।

कोहलपुर नगरपालिकाले अपांगता भएका ब्यक्तिहरुको सवालमा केही राम्रा अभ्यास गरेको भएपनि अझै धेरै कुराहरु गर्न बाँकी रहेको बताए । उनले अपांगता भएका ब्यक्तिहरुलाई पालिकाले विभेदरहित ढंगले सहज, सरल र प्राथमिकता दिएर काम गर्ने प्रतिबद्धता समेत व्यक्त गरेका थिए ।

प्रकाशित मिति: आइतबार, पुस ३, २०७९ १२:४०

प्रतिक्रिया दिनुहोस्