अपांगता भएकालाई विपदबाट हुने जोखिम न्यूनीकरणका लागि पूर्व योजना जरुरी

स्थानीय

गृहपृष्ठ
स्थानीय
अपांगता भएकालाई विपदबाट हुने जोखिम न्यूनीकरणका लागि पूर्व योजना जरुरी

अपांगता भएकालाई विपदबाट हुने जोखिम न्यूनीकरणका लागि पूर्व योजना जरुरी

सोमबार, पुस ४, २०७९ बागेश्वरी पोस्ट

कोहलपुर । अपांगता भएका व्यक्तिहरुले विपदबाट हुने क्षती सकेसम्म व्यहोर्न नपरोस् भन्नका लागि स्थानीय सरकारले पूर्व योजना बनाउन जरुरी रहेको देखिएको छ । सि.वि.एम ग्लोबलको आर्थिक सहयोगमा अपांग सशक्तिकरण एवम् संचार केन्द्र डेक नेपालले कोहलपुर नगरपालिका र बैजनाथ गाउँपालिकाका वडा अध्यक्ष, प्रमुख प्रशासकीय अधिकृत, सामाजिक विकास समिति, विपदसँग सम्वन्धित व्यक्तिहरुलाई आज कोहलपुरमा भेला गराएर अपांगता भएका व्यक्तिहरु विपदमा कसरी जोखिममा पर्छन् भन्नेबारे जानकारी गराएको हो ।

आगलागी, भूकम्प, हिमपहिरो, बाढी र डुवान तथा महामारी जस्ता विपदबाट अपांगता भएका व्यक्तिहरुमा हुन सक्ने जोखिम र त्यसको न्यूनीकरणका लागि स्थानीय सरकारले योजना बनाउन जरुरी रहेको डेकका कार्यक्रम संयोजक जीवन गिरीले बताए । स्थानीय सरकारले विपदबाट हुने क्षती न्यूनीकरणका लागि सकेसम्म अपांगता भएकै व्यक्तिहरुलाई सहभागी बनाएर योजना बनाउनु पर्ने उनको भनाई थियो ।

नेपाल राष्ट्रिय अपांग महासंघका निवर्तमान महासचिव राजु बस्नेत र निर्मल भण्डारीले सहजीकरण गरेको अपांगता समावेशी विपद जोखिम तथा न्यूनीकरण सम्वन्धि उक्त तालिममा भएका नीतिगत कुराहरुलाई समेत सबैले व्यवहारिकरुपमा कार्यान्वयनमा लैजानुपर्ने निवर्तमान महासचिव बस्नेतले बताए । अपांगता भएका व्यक्तिहरुले विपदमा कसरी जोखिममा पर्छन् भन्ने कुरालाई चित्रित गरेको दिइएको तालिममा सहभागी जनप्रतिनिधिहरुले विपद जोखिम तथा न्यूनीकरणका लागि पहल गर्ने प्रतिबद्धता जनाएका थिए ।

प्रकाशित मिति: सोमबार, पुस ४, २०७९ १३:२४

प्रतिक्रिया दिनुहोस्