चार्ल्स शोभराजलाई नेपाल आउन नपाउने गरी डिपोर्ट गरिँदै

सुरक्षा-अपराध

गृहपृष्ठ
सुरक्षा-अपराध
चार्ल्स शोभराजलाई नेपाल आउन नपाउने गरी डिपोर्ट गरिँदै

चार्ल्स शोभराजलाई नेपाल आउन नपाउने गरी डिपोर्ट गरिँदै

शुक्रबार, पुस ८, २०७९ बागेश्वरी पोस्ट

नेपालगन्ज । सिरियल किलरका नामले चिनिने कुख्यात अपराधी फ्रान्सेली नागरिक चार्ल्स शोभराजलाई फेरि नेपाल आउन नपाउने गरी अध्यागमन विभागले फ्रान्स पठाउने (डिपोर्ट ) तयारी गरेको छ ।

नेपाल, भारत अन्य मुलुकहरूमा २० बढीको हत्या आरोपी शोभराज आज कारागारबाट छुट्दै छन् । उनलाई सुनधारास्थित केन्द्रीय कारागारबाट अध्यागमन विभागको जिम्मा लगाइँदै छ। योसँगै विभागले गृह मन्त्रालयसँग राय लिएर नेपाल फर्कन रोक लगाउन लागेको हो ।

बुधबार सर्वोच्चका न्यायाधीश सपना प्रधान मल्ल र तिलप्रसाद श्रेष्ठको इजलासले १० महिना कैद छुट दिँदै शोभराजलाई थुनामुक्त गर्न बन्दी प्रत्यक्षीकरणको आदेश जारी गरेको थियो । सर्वोच्चले उनलाई १५ दिनभित्र आफ्नै देश फ्रान्स पठाउन भनेको छ ।

कारागारले अध्यागमनको जिम्मा लगाएपछि कानुनी र कागजी प्रक्रिया पूरा गरेर पुनः नेपाल आउन नपाउने गरी डिपोर्ट गर्ने तयारी भइरहेको छ । यता शोराजले भने १० दिन गङ्गालाल अस्पतालमा बसेर उपचार गराउने व्यवस्था मिलाइदिन आग्रह गरेका छन् ।

१९ वर्षदेखि केन्द्रीय कारागारमा रहेका शोभराजलाई नेपालमा जन्मकैदको सजाय सुनाइएको थियो । ७८ वर्षीय शोभराजले २०७७ पुस ७ गते कैद छुटको माग गर्दै रिट दायर गरेका थिए । जेष्ठ नागरिक ऐन अनुसार ७५ वर्ष पूरा भएकालाई ७५ प्रतिशत कैद छुट दिइने व्यवस्था छ । अध्यागमनको जिम्मा लगाएर आबश्यक कागजात तयार पारी शोभराजलाई नेपाल कहिले पनि नआउन पाउने गरि डिपोर्ट गरिने छ ।

प्रकाशित मिति: शुक्रबार, पुस ८, २०७९ ११:०१