नेपालगन्ज उद्योग बाणिज्य संघले राष्ट्र बैंक अगाडि धर्ना दिने

स्थानीय

गृहपृष्ठ
स्थानीय
नेपालगन्ज उद्योग बाणिज्य संघले राष्ट्र बैंक अगाडि धर्ना दिने

नेपालगन्ज उद्योग बाणिज्य संघले राष्ट्र बैंक अगाडि धर्ना दिने

शुक्रबार, पुस ८, २०७९ बागेश्वरी पोस्ट

नेपालगन्ज । नेपाल राष्ट्र बैंकको अव्यहारिक नीति विरुद्ध नेपालगन्ज उद्योग बाणिज्य संघले गर्दै आएको आन्दोलनलाई अझ सशक्त बनाउने भएको छ । पहिलो चरणको आन्दोलन सम्पन्न गरिसकेको संघले दोस्रो चरणको आन्दोलन थालेको छ । व्यवसायीका तमाम समस्या तथा निजी क्षेत्र धरासायी हुँदा पनि राष्ट्र बैंक मुकदर्शक बनेको भन्दै संघले रोष प्रकट गरेको छ ।

संघका अध्यक्ष अब्दुल वाहिद मन्सुरी र महासचिव चिरञ्जीवी ओलीले आज एक संयुक्त प्रेस विज्ञप्ती जारी गर्दै पुष ११ गते सोमबार राष्ट्र बैंक नेपालगन्ज कार्यालय अगाडि धर्ना दिने कार्यक्रम रहेको जानकारी दिएका छन् । दोस्रो चरणको आन्दोलन अन्तर्गत हातमा कालो पट्टीसहित वृहत प्रदर्शन, संघको प्रांगणबाट बजार परिक्रमा गर्दै राष्ट्र बैंक अगाडि धर्ना दिइने जनाइएको छ । विहान १० बजे संघको प्रांगणमा उपस्थित हुन संघले सम्पूर्ण उद्योगी, व्यवसायीहरुलाई आह्वान गरेको छ ।

प्रकाशित मिति: शुक्रबार, पुस ८, २०७९ १३:५१

प्रतिक्रिया दिनुहोस्