चिसो बढेपछि बाँकेको जनजीवन प्रभावित

स्थानीय

गृहपृष्ठ
स्थानीय
चिसो बढेपछि बाँकेको जनजीवन प्रभावित

चिसो बढेपछि बाँकेको जनजीवन प्रभावित

बिहीबार, पुस १४, २०७९ बागेश्वरी पोस्ट

नेपालगञ्ज । तीन दिनदेखि घाम नलागेको बाँकेमा चिसोका कारण जनजीवन प्रभावित भएको छ । बाक्लो हुस्सु र कुहिरोले जनजीवन थप कष्टकर बनाएको छ ।

चिसो बढेपछि सर्वसाधारणको दैनिकी प्रभावित हुन थालेको छ । चिसो बढेसँगै अस्पतालहरुमा रुघाखोकी र श्वासप्रश्वासका बिरामी बढेका छन् । भेरी अस्पताल नेपालगञ्जमा विरामीको चाप बढेको फिजिसियन एवम् अस्पतालका सूचना अधिकारी डा.संकेत रिसालले बताए ।

जाडोले गर्दा निम्न वर्गका परिवार, बालबालिका, दीर्घ रोगी, मजदुर, ज्येष्ठ नागरिक लगायतलाई अत्यधिक समस्या भएको छ । चिसोबाट जोगिनका लागि मान्छेहरू सडक छेउँछाउँ, घर लगायत विभिन्न ठाउँमा आगो ताप्न थालेका छन् । घाम नलाग्दा दिनहुँ तापक्रम घट्दै गएको छ ।

प्रकाशित मिति: बिहीबार, पुस १४, २०७९ १०:४८

प्रतिक्रिया दिनुहोस्